Mınıstr Q.Qasymov ishki ister organdarynyń qyzmeti týraly jan-jaqty aıtyp berýge kelisti
ASTANA. 28 maýsym. QazAqparat - Búgin Jýrnalısterdiń kásibı merekesine oraı buqaralyq aqparat quraldarynyń ókilderin quttyqtaǵan QR Іshki ister mınıstri Qalmuhanbet Qasymov aldaǵy ýaqytta suhbat berip,
ishki ister organdarynyń qyzmeti týraly jan-jaqty aıtyp berýge kelisti.
Bundaı usynysty «Ádilet BAQ Medıa» respýblıkalyq gazeti redaktorynyń orynbasary, QR Bas redaktorlar klýbynyń múshesi Muratbek Toqtaǵazın jasady. «Búginde quqyq qorǵaýshylardyń qyzmetine qatysty san alýan pikirler bar ǵoı. «Bir qumalaq, bir qaryn maıdy shirtedi» demekshi, bir polıtseıdiń kesirinen barlyq salanyń jamanat bolatyny da jasyryn emes. Sondyqtan ishki ister organdarynyń qazirgi qyzmeti týraly jan-jaqty jazyp, halyqqa jetkizý kerek. Álbette, biz mınıstrlikten qajetti aqparatty alyp jatamyz. Degenmen, sizden (mınıstr Q.Qasymov - avt.) de bir arnaıy suhbat alyp, ishki ister organdarynyń jumysyn sala-sala boıynsha jazsaq pa degen usynys bar», - dedi M.Toqtaǵazın. Mınıstr Q.Qasymov bul usynysty qup kórdi.
