Mınıstr ızolıatordan qashqan kúdikti jóninde: ony ádeıi eshkim bosatpady
ASTANA. KAZINFORM – Talǵarda ızolıatordan kúdiktiniń qashýy oqıǵasyna qatysty qyzmettik tekseris jergizildi. Onyń aıasynda jaýapty qyzmetkerler jazalandy. Bul týraly Іshki ister mınıstri Erjan Sádenov málim etti.
«Ókinishke qaraı, bul jaǵdaı óz qyzmetine durys qaramaǵannan boldy. Kúdiktini ádeıi eshkim bosatyp jibermedi. Bul oqıǵa boıynsha qyzmettik tekseris te boldy. Basshylyq quram men kúzetke qaraıtyn adamdar jaýapqa tartyldy. Atap aıtqanda, osy oqıǵaǵa qatysty is qozǵaldy», - dedi E. Sádenov Senattyń jalpy otyrysynan keıin tilshiler suraǵyna jaýap bere otyryp.
Eske salsaq, 25 qazanda Talǵar aýdanynda kámeletke tolmaǵan qyzdy zorlady degen kúdikpen ustalyp, ýaqytsha ustaý ızolıatorynan qashyp ketken aıypty quryqtalǵany málim boldy.
Bul turǵyda ızolıatordan qashqan kúdiktiniń oqıǵasy boıynsha salǵyrttyq babymen is qozǵaldy.
