Mınıstr Ilın 8 jasar Dinmuhammedti medalmen marapattady

ATYRAÝ. QazAqparat – Tótenshe jaǵdaılar mınıstri ıÝrıı Ilın Atyraý oblysynda balalardy sýdan qutqarǵan 8 jasar Dinmuhammed Jańbyrbaıdy «Sýǵa batqandardy qutqarǵany úshin» medalimen marapattady, dep habarlaıdy QazAqparat.

«Mınıstr Dinmuhammedke batyl is-áreketi úshin, al onyń ata-anasyna kómekke kelýge daıyn turatyn balany tárbıelegeni úshin alǵys bildirdi», - delingen mınıstrlik málimetinde.

Vedomstvolyq nagradany kishkentaı batyrǵa Atyraý oblysy Tótenshe jaǵdaılar departamenti bastyǵynyń mindetin atqarýshy Nurlan Jańabaı tabys etti.

Eske salaıyq, oqıǵa 3 jeltoqsan kúni Atyraý qalasyndaǵy Jaıyq ózeniniń jaǵasynda boldy. Dinmuhammed jeksenbi kúni tústen keıin 14 jáne 9 jastaǵy dostarymen muz ústinde oınap júrgen. Kenet álsiz muz jarylyp, eki dosy sý astyna ketedi. Shette turǵan Dinmuhammed óz ómirin qaterge tige otyryp, oılanbastan kómekke umtyldy. Solaı dostarynyń birin sýdan alyp shyqty.

Keıin jergilikti polıtsııa qyzmeti basqarmasynyń bastyǵy Erlan Bıǵambaev mektepke baryp, kishkentaı qutqarýshyǵa oblystyq Polıtsııa departamenti bastyǵynyń alǵys hatyn tapsyrdy.

Aıta keteıik, 4 jeltoqsanda Atyraý oblysynda taǵy bir oqıǵa boldy. Onda er adam nemeresimen serýendep júrip, Jaıyq ózenindegi muz astyna túsip ketti. Oqıǵa kýágerleri 10 jastaǵy balany qutqaryp úlgerdi.

Foto: gov.kz