Mınıstr «Halyq qatysatyn bıýdjettiń» fýnktsıonaly qalaı keńeıtiletinin aıtty

NUR-SULTAN. QazAqparat – Úkimet otyrysynda QR Ulttyq ekonomıka mınıstri Álibek Qýantyrov «Halyq qatysatyn bıýdjettiń» fýnktsıonaly qalaı keńeıtiletinin aıtty, dep habarlaıdy QazAqparat tilshisi.

«Joldaýǵa sáıkes «Halyq qatysatyn bıýdjettiń» fýnktsıonalyn keńeıtý arqyly jergilikti ózin-ózi basqarý organdaryn tikeleı qarjylandyrýdy engizý máselesi de engiziletin bolady», - dedi mınıstr.

Onyń sózine qaraǵanda, bul iste jergilikti máslıhattardyń ókileti keńeıedi.

«Bul rette máslıhattardyń ókilettikterin keńeıtý maqsatynda olarǵa halyq qatysatyn bıýdjettiń qarajatyn bólý jónindegi fýnktsııalar bekitiletin bolady. Shyn máninde ony aýyldyq okrýgter arasynda naqty jobalarǵa bóletin «qor» deýge bolady. Bul jobalardy jergilikti qoǵamdastyqtyń usynystary boıynsha aýyl ákimderi qalyptastyrady», -dedi Álibek Qýantyrov.