Mınıstr ǵylymǵa bólingen granttardyń nátıjesi bolmaı turǵanyn aıtty

NUR-SULTAN. QazAqparat – Qazirgi kezde ýnıversıtetterdiń 70 paıyzy ǵylymmen aınalyspaı jatyr. Bul týraly QR Ǵylym jáne joǵary bilim mınıstri Saıasat Nurbek aıtty, dep habarlaıdy QazAqparat tilshisi.

«Osy salada Prezıdenttiń tórt úlken tapsyrmasyn oryndaý baǵytynda jumys istep jatyrmyz. Birinshiden, Ulttyq ǵylym akademııasynyń mártebesin kóterý eskerilgen. Qazirgi tańda Úkimettiń janynan arnaıy jumys toby qurylyp, osy máselelerdi qarastyryp jatyr. Ekinshiden, ýnıversıtettegi ǵylymǵa erekshe mán berilgen. Qazirgi kezde ýnıversıtetterdiń 70 paıyzy ǵylymmen aınalyspaı jatyr. Olar oqytýshy ýnıversıtetterge aınalǵan. Bizdiń maqsatymyz – ýnıversıtetterdi zertteý modeline kóshirý. Bul turǵyda ǵylymı ınstıtýttarmen úılestirip, PhD jáne stýdenttik qoldanbaly zertteýler arqyly jastarymyzdy ǵylymǵa tartýdy kózdep otyrmyz», – dedi S. Nurbek elordada ótip jatqan «Adamı kapıtal - Jańa qazaqstan damýynyń negizgi resýrsy» forýmynda.

Sonymen qatar mınıstr úshinshi tapsyrma aıasynda uzaqmerzimdi ári qysqamerzimdi, ortamerzimdi ǵylymnyń basym baǵyttaryn aıqyndaý eskerilgenin aıtty.

«Búgingi forým sessııasy osy taqyrypqa arnalǵan. Qazir otandyq ǵylym kúndelikti salalyq qoldanbaly problemalardy sheshýge baǵyttalmaǵan. Elimizde ǵylym óz betimen, al turǵyndardyń kúndelikti problemalary óz betimen tur. Osy eki máseleni ushtastyrýymyz kerek. Mınıstrlik osy máselemen aınalysyp jatyr», - dedi vedomstvo basshysy.

Saıasat Nurbektiń paıymynsha, elimizdegi ǵylymı zertteý ınstıtýttary óz jumystaryn kúndelikti problemalardy sheshýge baǵyttaýy kerek.

«Tórtinshiden, ǵylymdy qarjylyndyrý modelin jańadan qarastyrý. Qarjy kóp bolmasa da, bólinip jatyr. ıAǵnı grant ári baǵdarlamalar arqyly bólinedi. Biraq olardyń nátıjesi tıimdi emes jáne ony biz moıyndaımyz. Negizgi júıeli másele – osy. Ǵylymǵa aqsha berilgenimen, nátıjesi ne boldy? Óndiriske engizý, salalyq, óńirlik problemalar bar. Sondyqtan qarjylandyrý ári uıymdastyrý modelin de qarastyrýymyz kerek», - dedi mınıstr.

Onyń aıtýynsha, ǵylymdy negizgi bazalyq qarjylandyrý memleketten júrgizilýi kerek. Biraq qoldanbaly zertteýler jekemenshik sektormen tyǵyz baılanysta bolǵany durys.

Budan buryn habarlanǵandaı, Saıasat Nurbek aldaǵy 6-7 jylda Qazaqstanda stýdentter sany 1 mln-ǵa jetip qalatynyn aıtty.