Ferrorqorytpa zaýytyndaǵy apattan qaıtys bolǵan marqumǵa qandaı dıagnoz qoıyldy
ASTANA. KAZINFORM – Densaýlyq saqtaý mınıstri Aqmaral Álnazarova Úkimet otyrysynan keıin ótken baspasóz máslıhatynda Qaraǵandy ferrorqorytpa zaýytyndaǵy apattan qaıtys bolǵan marqumǵa qandaı dıagnoz qoıylǵanyn jetkizdi.
«Bul másele Densaýlyq saqtaý mınıstrliginiń baqylaýynda bolǵandyqtan jaǵdaıdyń bárin bilip otyrmyz. Qaıtys bolǵan naýqastyń terisiniń 80 paıyzdan astamyn kúıik shalǵan. Polıorgandy tapshylyq deımiz, júrekke, búırekke soǵatyn asqynýdan kóz jumǵanyn dáleldep otyrmyz. Negizi deneniń 60 paıyzdan astamyn kúıik shalsa, adam ómirine qaýip tónedi. Qalǵan naýqastardyń jaǵdaıy týraly qosymsha aqparat berer bolsaq, olardyń ishinde 6 adamnyń jaǵdaıy óte aýyr», - dedi Aqmaral Álnazarova.
Eske salsaq, buǵan deıin Aqmaral Álnazarova ferroqorytpa zaýytyndaǵy apattan kóz jumǵan qaraǵandylyqtyń otbasyna kóńil aıtqan edi.
