Mınıstr Ermekbaev ÚEU-lardyń elektrondy bazasyna qosymsha 50 mln teńge surady
Bul týraly búgin Úkimet otyrysynda Din isteri jáne azamattyq qoǵam mınıstri Nurlan Ermekbaev málim etti, dep habarlaıdy QazAqparat.
«2015 jyly úkimettik emes uıymdardyń derekter bazasy quryldy. Bul óz kezeginde ÚEU-lardyń áleýeti men múmkindikterin bilýge yqpal etedi. Osy bazanyń tolyǵýy tıisti deńgeıde emes ekendigin atap ótken jón. Onda tek 2,5 myń ǵana uıym usynylǵan sonymen qatar, granttar men syıaqylardy osy bazada tirkelgender ǵana alýǵa qaýqarly. Búginde úkimettik emes uıymdardy derekter bazasyna tirkelýge tartý úshin aqparattyq túsindirý jumystarymen analysýdamyz. Osy oraıda memlekettik organdardy ásirese, jergilikti jerlerde atalǵan úderiske belsendi qosylýyn suraımyz», - dedi mınıstr.
Onyń sózine qaraǵanda, qazirgi kezde derekter bazasyn elektrondy formatqa aýystyrý júzege asyrylýda.
«Ony tolyqqandy iske qosý úshin bıyl qosymsha 50 mln. teńgege deıingi kólemde qarjylandyrý qajettilik etedi. Derekter bazasymen jumys qyzmet etpeı júrgen ÚEU-lar problemasyn da ózektendirdi. Ákimdikter derekterine qaraǵanda, olardyń sany toǵyz myńǵa jetip otyr. Tıisti sheshim jasaý turǵysynda sarapshylar Qarjy mınıstrligimen jumys istemeı jatqan osy uıymdardyń erikti raqymshylyǵyn júrgizýdi usynýda», - dedi N.Ermekbaev.
