Mınıstr elordadaǵy túngi klýbtardyń jumys ýaqytyn qysqartýdy usyndy

ASTANA. QazAqparat – «Qoǵammen seriktestikte qaýipsizdikti qamtamasyz etý» tujyrymdamasy aıasynda Astanadaǵy máseleler kartasyn tanystyrǵan Іshki ister mınıstri Marat Ahmetjanov eloradaǵy túngi klýbtardyń jumys ýaqytyn qysqartýdy usyndy, dep habarlaıdy QazAqparat tilshisi.

«Qalada 1 myń shamasynda kafe men túngi klýb bar. Bul - kásipkerliktiń mańyzdy salasy. Onyń ıeleri óz klıentteriniń qaýipsizdigi úshin jaǵdaı jasaı bermeıdi. Onda qylmystar, túrli quqyq buzýshylyqtar jasalady. Men kúndizgi tynyshtyqty buzý týraly aıtyp otyrǵanym joq. Ótken jyly polıtsııa osyndaı 13 myń qońyraý boıynsha oqıǵa ornyna bardy. Bıyl - 4,5 myń. Biz buǵan kóp kúsh pen ýaqyt jumsaımyz, janar-jaǵarmaı ketedi. Patrýl qyzmetkerleri osy mekemelerdiń qyzmetshilerine aınaldy. Máselen, elordadaǵy bir ǵana bardan urlyq, buzaqylyq, jappaı tóbeles boıynsha 352 shaqyrý kelip tústi», - dep toqtaldy mınıstr.

Vedomstvo basshysynyń sózinshe, bul máseleni túngi klýbtarda ýaqyt shekteýiniń bolmaýy kúrdelendirip otyr.

«Qazir qalada quqyq buzýshylyqtardyń 80%-y tún ortasynan keıin jasalady. Sondyqtan máslıhat sheshimimen turǵyn úılerde alkogoldi satatyn oıyn-saýyq mekemeleriniń jumys ýaqytyn saǵat 23:00-ge deıin, jeke turǵan ǵımarattarda – túngi 2:00-ge deıin deıin ruqsat berý usynylady. Árıne, bul norma bıznestiń múddesine áser etedi. Degenmen biz tarazynyń kelesi basynda azamattardyń qaýipsizdigi turǵanyn túsinýimiz kerek», - dep usynys bildirdi Marat Ahmetjanov.