Mınıstr elimizdegi urlyq kóp jasalatyn úsh óńirdi atady
«Urlyq faktileri elimizdiń úsh megapolısinde kóp tirkeldi. Olar: Nur-Sultan, Almaty jáne Shymkent. Ókinishke qaraı, bul óńirlerdegi polıtsııa departamentiniń basshylary áli eskishe jumys istep otyr. Olar tek qylmystyń saldarymen kúresedi. Saraptama kórsetkendeı, qylmystyń kóbin elimizdiń basqa qalalarynan kelgender jasaıdy. Ózge qaladan kelip, Almaty terrıtorııasynda qylmys jasaǵandar úlesi – 45 paıyz, Nur-Sultanda – 40 paıyz bolsa, Shymkent qalasynda – 25 paıyz. Azamattar barǵan jerlerde tirkelmeıdi. Sondyqtan, polıtsııa nazarynan tys qalyp jatady», - dedi mınıstr.
Sondaı-aq, Marat Ahmetjanov mal urlyǵy kóbeıgenin aıtty. Sonyń ishinde, Batys Qazaqstan oblysynda mal urlaý derekteri 26 paıyzǵa ósken.
«Jyl basynan beri Almaty oblysynda 800-den astam, Aqmola men Jambyl oblystarynda 500-den astam, al Túrkistan oblysynda 400-ge jýyq mal urlanǵan. Pavlodar oblysynda ǵana bıyl mal urlyǵymen aınalysqan uıymdasqan qylmystyq top ustaldy. Olar Pavlodar, Shyǵys Qazaqstan jáne Qaraǵandy oblystarynan 170-ke jýyq iri qara urlap, aýyl adamdaryna mıllıondaǵan shyǵyn keltirgen», - dedi Marat Ahmetjanov.
Jıynda mınıstr áriptesterine qylmystyń saldarymen emes, sebebimen kúresýge mán berý kerektigin tapsyrdy. Marat Ahmetjanovtyń aıtýynsha, jergilikti ákimdikter men polıtsııa qyzmetkerleri birlesip, profılaktıkalyq sharalar uıymdastyrýy tıis.
Aıta ketsek, Іshki ister mınıstri Marat Ahmetjanov keshe Memleket basshysynyń qabyldaýynda boldy. Prezıdentke elimizdegi krımınogendik jaǵdaı, ishki ister organdarynyń bıylǵy birinshi jartyjyldyqta atqarǵan jumystarynyń nátıjeleri jóninde málimet berdi .
