Mınıstr: Elimizde 100-den astam sport kesheni bar, sonyń ózi jetpeı otyr

ŞÝChINSK. QazAqparat –QR Mádenıet jáne sport mınıstri Dáýren Abaev elimizdegi sporttyq nysandar men ınfraqurylymǵa qatysty memlekettik saıasatty qalaı iske asý kerektigi týraly aıtty, dep habarlaıdy QazAqparat tilshisi.

«Bapkerler ınfraqurylymnyń joqtyǵyna shaǵym jasady. Rasymen, ınfraqurylym - mańyzdy másele. Jyl saıyn birneshe jańa nysan salynady. Aıtar bolsaq, ótken jyly elimizde deneshynyqtyrý-saýyqtyrý kesheni salyndy. Búginde elimizde 100-den astam sporttyq keshen bar, sonyń ózi jetpeı otyr. Jalpy qysqy sport boıynsha nysan turǵyzý úlken suraq. Sebebi qymbatqa túsedi, sondyqtan aldymen jan-jaqty oılastyrý qajet. Al jazǵy sport nysandarynyń jarasy jeńildeý», - dedi Dáýren Abaev Şýchınskide ótken XXIV qysqy olımpıada oıyndarynyń qorytyndysyna arnalǵan keńeıtilgen otyrysta.

Mınıstrdiń aıtýynsha, jańa ǵımarat turǵyzbas buryn taldaý jasaǵan abzal.

«Qysqy sport boıynsha mysaly, shańǵy satyp alý kerek, basqa da qural-jadbyq bar. Onyń bári memlekettik qarjysyna alynady. Esebi bar sharýa. Sondyqtan sport nysandary taqyrybyna qaıtyp oralsaq, qanshamasy salyndy, aldaǵy ýaqytta taǵy turǵyzylady. Sol sekildi jańa nysandardy elordada turǵyzamyz ba, álde Almatyda? Ol úshin taldaý júrgizý kerek. Búginde sport nysandary men ınfrqurylym boıynsha taldaý jumysy júrip jatyr. Nátıjesin jarııalaımyz», - deıdi ol.