Mınıstr: Elektr qýatynyń shekti tarıfin ınflıatsııa deńgeıinde ındeksteý qajet
«2023 jyly «Investıtsııa ornyna tarıf» jańa baǵdarlamasyn qabyldaý máselesi pysyqtalýda. Elektr stantsııalaryna ınvestıtsııalardy qamtamasyz etý qoldanystaǵy rezervterdi eń jyldam jáne tıimdi túrde tartýǵa múmkindik beredi. Baǵdarlama energııa óndirýshi uıymdardyń qoldanystaǵy aktıvterin rekonstrýktsııalaýǵa, jańǵyrtýǵa jáne keńeıtýge, sol arqyly energııa júıesi jumysynyń senimdiligin arttyrýǵa jáne 2035 jylǵa qaraı óndirýshi qýattyń tozýyn 15%-ǵa tómendetýge múmkindik beredi», - dedi mınıstr.
Sondaı-aq, ol atalǵan baǵdarlama arqyly qansha ınvestıtsııa tartylatynyn atap ótti.
«Baǵdarlamada salaǵa jyl saıyn 400 mlrd teńgege deıin ınvestıtsııa tartyp, naryqqa qatysýshylardy qarsy mindettemelermen qamtamasyz etý kózdelgen. Jylýmen jabdyqtaýdy júzege asyratyn jáne qatty tozǵan stantsııalardyń tehnıkalyq aýdıti negizinde ınvestıtsııalardy talap etetin basym jobalar aıqyndalatyn bolady», - dedi Bolat Aqsholaqov.
Vedomstvo elektr qýatynyń ázirligin ustap turý úshin shekti tarıfti aıyna 1 MVt úshin 590 myń teńgeden 2 mln teńgege deıin ulǵaıtý, keıinnen ınflıatsııa deńgeıine ındeksteý qajet degen paıym aıtty.
«Bekitilgen shekti tarıfterde elektr jáne jylý energııasyn ótkizýden alynatyn elektr qýatynyń ázirligin ustap turý qyzmetin jáne amortızatsııalyq aýdarymdardy iske asyrýdan alynatyn qarajatty nysanaly paıdalaný boıynsha zańnamaǵa ózgerister engizý qajet», - dedi mınıstr.
