Mınıstr Desanttyq-shabýyldaý áskerleriniń brıgadasyn dabyl boıynsha kóterdi
Vedomstvo aqparatyna sáıkes, áskerı bólim jaýyngerlik daıarlyqqa keltirilgen tańǵy saǵat 5.30-da jeke quramnyń is-qımyly, jaýyngerlik tehnıkanyń belgilengen aýmaqqa ýaqytyly shyǵýy, brıgada komandıriniń tapsyrmalardy qoıýy, sonymen qatar bólimsheniń úılesimdi áreketi tekserildi. Atalǵan is-sharany pysyqtaý barysynda qorǵanys mınıstri ofıtserlerdiń birine jeke quramnyń qaýipsizdik sharalaryn qadaǵalamaǵany úshin sógis jarııalady.
Sonymen qatar Almaty garnızonynda áýe shabýylyna qarsy qorǵanysynyń jeke baılanys polki men brıgadasynyń nysandary tekserildi. Kóbine baılanys tehnıkalary men avtokólik tehnıkalary, bólimniń qoımalary men basqa da nysandary, sonymen qatar komandalyq pýnktterde jaýyngerlik kezekshiliktiń uıymdastyrylýy nazarda boldy.
Arnaıy maqsattaǵy áskerı bólimge polkovnık Borıs Kerimbaevtiń esimi berilgeni jáne onyń qurmetine eskertkish taqtanyń ashylýy jumys saparynyń mańyzdy bóligi boldy. Saltanatty sharada áskerı bólimge Borıs Kerimbaevtiń esimi berilgeni áskerı qyzmetshilerge júktelgen erekshe mindetter kezinde jaýapkershilikti sezinýge yntalandyrý, sondaı-aq áskerı qyzmetshilerdiń ártúrli býynyn boryshqa, áskerı ar-namys zańdaryna, jaýyngerlik baýyrlastyq pen halyqqa qyzmet etýdiń berik aıǵaǵy bolyp tabylatyny aıtyldy. Sharaǵa bólimniń jeke quramy men basshylyǵy, Qarýly Kúshterdiń ardagerleri jáne de polkovnık Kerimbaevtiń jubaıy qatysty.
«Búgin meniń qýanyshymda shek joq. Árıne joqtyń orny tolmas. Ol osy jerde sapta turǵan barlyǵy úshin naǵyz ustaz bola bildi. Men barlyqtaryńyzǵa myqty densaýlyq, otbasylaryńyzǵa amandyq tileımin. Joǵary jetistikterińizben quttyqtaımyn», - dedi Raısa Kerimbaeva.
