Mınıstr «Daryn» syılyǵyn jyl saıyn berýdi usyndy
ASTANA. QazAqparat - Úkimettiń búgingi otyrysynda Din isteri jáne azamattyq qoǵam mınıstri Nurlan Ermekbaev memlekettik «Daryn» jastar syılyǵyn jyl saıyn berýdi usyndy, dep habarlaıdy QazAqparat tilshisi.
«Bizde eki jylda bir ret «Daryn» syılyǵy berilip turady. Ony jylda taǵaıyndaýdy usynamyz. Osynyń arqasynda daryndy jastardyń múmkindikterin barynsha keńeıtip, ǵylymı-shyǵarmashylyq yntasyn kúsheıtýge bolady», - dedi N.Ermekbaev.
Sondaı-aq mınıstr barlyq mektepterde bir ýaqytta «Otbasy saǵatyn» ótkizip, otbasy qundylyqtaryn keńinen nasıhattaýdy usynyp otyr. Osy bastamaǵa bilim mınıstrligi men ákimdikterdiń qoldaýy qajet.
Budan bólek, ýnıversıtet pen kolledjderdiń janyndaǵy jastar komıtetterimen tyǵyz baılanys ornatyp, memlekettik jastar saıasaty salasyndaǵy sharalardy kúsheıtý kózdelgen. «Qazirgi kezde biz óńirlerdegi jastarmen jumys júrgizý boıynsha tıisti kórsetkishterdi qalyptastyrýǵa kiristik. Atalǵan jumysta resmı statıstıkamen birge monıtorıng júrgizýdiń balamaly tásilderi qoldanylady. Sonyń nátıjesi boıynsha tıisti sharalar qolǵa alynady» - dep atap kórsetti mınıstr.
