Mınıstr Bozaıǵyrdaǵy jurttyń jappaı ýlanýyna ne sebep bolǵanyn aıtty

ASTANA. QazAqparat - Úkimet otyrysynan keıin ótken baspasóz máslıhaty kezinde QR Densaýlyq saqtaý mınıstri Eljan Birtanov Aqmola oblysy Bozaıǵyr aýylyndaǵy jurttyń jappaı ýlanýyna qatysty túsinik berdi, dep habarlaıdy QazAqparat.

«Jaǵdaı bizge belgili. Oqıǵa boıynsha birden sanıtarlyq-epıdemıologııalyq tergeý bastalyp ketti. Onyń sebepterin anyqtaý biraz ýaqytty alatyny sózsiz. Jalpy, bizdiń oıymyzsha, adamdardyń jappaı ýlanýyna erigen qar sýynyń qudyqqa quıylýy sebep bolǵan. Bizge qaýipsiz aýyz sýmen qamtamasyz etý boıynsha júıeli sharalar qoldanǵanymyz abzal. Sebebi tasqyn sý máselesi jyl saıyn oryn alady. Biraq ókinishke oraı, júıeli sharalar men ındıkatorlar bolmaǵandyqtan, biz oryn alǵan zardaptarmen kúresýge májbúrmiz», - dedi mınıstr.

Eske sala keteıik, Bozaıǵyr aýylyndaǵy alǵashqy ýlaný faktileri 11 sáýirde tirkelgen. «Habar» arnasynyń málimetteri boıynsha, medıtsınalyq kómekke 150 adam júgingen.