Mınıstr blokpostaǵy jaǵdaıǵa baılanysty Qanat Taımerdenov pen Saltanat Ázirbekke sógis jarııalady
ALMATY. QazAqparat – Almaty oblysyndaǵy blokposta bolǵan jaǵdaıǵa baılanysty ІІM Erlan Turǵymbaevtyń buıryǵymen 9 adamǵa tártiptik jazaǵa tartyldy, dep habarlaıdy QazAqparat.
Qalalyq PD patrýldik polıtsııa polkiniń komandıri Sataev.E, PD Kadr saıasaty basqarmasynyń basshysy Myrzabekov O.S., jeke quram boıynsha ınspektsııasynyń basshysy Akylbekov A.O jumystan shyǵaryldy.
Jergilikti polıtsııa qyzmetiniń basshysy Sattarov M.A, PD ózindik qaýipsizdik basqarmasynyń bastyǵy Kókrekbaev S.O.,PD basshysynyń orynbasary Nasharbekov A.A laýazymyna saı emestigi eskertildi.
DP basshysynyń birinshi orynbasary Almasbekov N.S., baspasóz qyzmetiniń jetekshisi Ázirbek S.K. qatań sógis jarııalandy.
Polıtsııa departamentiniń basshysy, general-maıor Qanat Taımerdenov ózi basqaratyn bólimsheniń qyzmetin úılestire almaǵany úshin qatań sógis aldy.
Eske salsaq, 25 mamyrda eki polıtsııa qyzmetkeri qaza tapqan Almaty oblysyndaǵy blokpostaǵy qaıǵyly oqıǵa baılanysty 3 laýazymdy qyzmetkerdiń jumystan ketkeni týraly habarlaǵan bolatynbyz.Qaıǵyly oqıǵa 25 mamyr kúni tańǵa jýy № 4 blokposta bolǵan. BMW júrgizýshisi mas kúıinde beton qorshaýǵa soǵylyp baryp, ınertsııamen patrýldik polıtsııa kóligin soqqan. Sonyń kesirinen eki polıtsııa qyzmetkeri kóz jumdy.
Úshinshi polıtsııa qyzmetkeri jansaqtaý bóliminde jatyr. Apatqa kináli júrgizýshi buryn polıtsııada jumys istegen.
