Mınıstr Birtanov otandyq farmatsevtermen onlaın kezdesti
«2020 jyldyń 27 sáýirindegi Prezıdent málimdemesine sáıkes, júzege asyrylýy Densaýlyq saqtaý mınıstrliginiń otandyq farmatsevtıkalyq jáne medıtsına ónerkásibiniń úılesimdi jumysyn talap etetin birqatar tapsyrmany el Úkimetine júktedi. Prezıdent tapsyrmalaryn júzege asyrý maqsatynda Densaýlyq saqtaý mınıstri óndirýshilermen kezdesti. Onyń barysynda indettiń ekinshi tolqynynyń oryn alý yqtımaldyǵyn qosa alǵandaǵy epıdemıologııalyq jaǵdaı kezinde elimizdi qajetti dári-dármekpen jáne medıtsınalyq buıymdarmen qamtasyz etý salasyndaǵy problemaly máseleler talqylandy», - delingen mınıstrliktiń Facebook-paraqshasynda jarııalanǵan aqparatta.
Vedomstvonyń atap ótýinshe, COVID-19 ınfektsııasynyń jahandyq indeti dári-dármek pen medıtsınalyq buıymdardy shetelden ákelýge kedergi keltirip otyr. Sondyqtan otandyq farmatsıevtıkalyq jáne medıtsınalyq ónerkásiptiń aldynda turǵan negizgi maqsat - ımport ornyn basý jáne ulttyq qaýipsizdikti qamtamasyz etý úshin negizgi dári-dármekter men medıtsınalyq buıymdardyń qajetti kólemin shyǵarý.
Onlaın kezdesý barysynda otandyq test-júıesi men qajetti medıtsınalyq buıymdardyń jetkilikti kólemin qysqa ýaqyttyń ishinde ónerkásiptik óndirýge shyǵarý boıynsha naqty qadamdar talqylanyp, COVID-19 indetiniń aldyn alýǵa jáne emdeýge qoldanylatyn ımmýnobıologııalyq preparattar men ózge de dári-drmekter óndirisiniń qazirgi qýatyn paıdalaný sharalary usynyldy.
