Mınıstr Birtanov 26 mlrd teńgeni únemdedi
"Bul - óte mańyzdy shara. Sebebi eki jyldan beri Prezıdenttiń tapsyrmasy boıynsha xalyqty tegin dári-dármekpen qamtamasyz etý máselesin sheship jatyrmyz. Sonyń biri - "SK-Farmatsııanyń" jumysyn ashyq júrgizý. Byltyrdan beri barlyq tenderlik komıssııalardyń otyrystaryn ǵalamtor arqyly kórsetip otyrdyq. Kóp otyrystar boldy. Sonyń bárin ashyq kórsetýdiń arqasynda bıýdjet qarjysynyń 10 protsentin - 26 mıllıard teńgeni únemdedik. Ol aqsha qosymsha dári-dármekterge jumsaldy", - deıdi E.Birtanov.
Mınıstrdiń aıtýynsha, barlyq medıtsınalyq mekemelerdi qaǵazsyz jumysqa aýystyrǵan mańyzdy. Sebebi tsıfrlandyrýdyń arqasynda dári-dármekterdiń aınalymyn ashyq kórip otyrýǵa bolady.
"Jyl basynan beri qaǵazsyz jumysqa aýysý bastamasyna tórt óńir, odan keıin sáýir aıynda taǵy tórt óńir qosyldy. 1 shildeden bastap qalǵany qosyldy. Jyldyń aıaǵyna deıin barlyq medıtsınalyq uıymdar da, ıaǵnı statsıonarlar men emxanalardyń jumysy elektrondy formatqa aýysýy qajet. Sonyń arqasynda biz azamattardy dári-dármekpen qamtý máselesin sheshe alamyz", - dep atap kórsetti vedomstvo basshysy.
Aıta keteıik, búgin tegin medıtsınalyq kómek aıasynda dári-dármekterdi satyp alýǵa arnalǵan biryńǵaı portal tanystyryldy. Atalǵan portal ázirshe testtik rejımde jumys isteıdi. Al bir aptadan keıin tolyǵymen iske qosylady. Sodan bastap tegin medıtsınalyq kómek aıasynda barlyq preparattar osy portal arqyly satyp alynady.