Mınıstr balalardyń jazǵy demalystaǵy qaýipsizdigin qamtamasyz etýdi tapsyrdy
Qazaqstan Respýblıkasy Bilim jáne ǵylym mınıstri Kúlásh Shámshıdınovanyń tóraǵalyǵymen ótken Úkimet janyndaǵy Kámeletke tolmaǵandar isi jáne olardyń quqyqtaryn qorǵaý jónindegi vedomstvoaralyq komıssııanyń HHІV otyrysy beınekonferentsbaılanys rejıminde ótkizildi.
Otyrysta bilim berý uıymdarynda oqýshylardyń qaýipsizdigin arttyrý, balalardyń jazǵy demalysyn uıymdastyrý, balalar úılerin qysqartý, psıhologııalyq medıtsınalyq-pedagogıkalyq komıssııalardyń qyzmeti tóńiregindegi máseleler qaraldy. Otyrysqa Qazaqstan Respýblıkasy Parlamenti Senatynyń depýtaty, Qazaqstan Respýblıkasynyń Bala quqyqtary jónindegi ýákil Sáýle Aıtpaeva, eńbek jáne halyqty áleýmettik qorǵaý vıtse-mınıstri Svetlana Jaqypova, VAK músheleri, ortalyq memlekettik jáne jergilikti atqarýshy organdar, Adam quqyqtary jónindegi ulttyq ortalyq, halyqaralyq jáne úkimettik emes uıymdardyń basshylary qatysty.
Jıynda eńbek jáne halyqty áleýmettik qorǵaý vıtse-mınıstri Svetlana Jaqypova Densaýlyq saqtaý mınıstrligi, Bilim jáne ǵylym mınıstrligi, Eńbek jáne halyqty áleýmettik qorǵaý mınıstrlikteri ózara birlese otyryp, «Otbasyny qoldaý ınstıtýtyn» qurý qajet degen usynys bildirdi.
Otyrysty qorytyndylaǵan Qazaqstan Respýblıkasy Bilim jáne ǵylym mınıstri Kúlásh Shámshıdınova jazǵy demalys ýaqytynda balalar qaýipsizdigin qajetti deńgeıde qamtamasyz etýdi, sondaı-aq oqýshylardyń qaýipsizdigin, balalardyń jazǵy demalyspen qamtylýyn ulǵaıtý, eldegi balalar úılerin qysqartý, psıhologııalyq medıtsınalyq-pedagogıkalyq komıssııalardyń qyzmetin kúsheıtý boıynsha qosymsha sharalardy qabyldaý jóninde naqty tapsyrmalar berdi.