Mınıstr BAQ-tyń túpki benefıtsıaryn ashý týraly pikir bildirdi

NUR-SULTAN. QazAqparat – QR Aqparat jáne qoǵamdyq damý mınıstri Asqar Ýmarov buqaralyq aqparat quraldarynyń túpki benefıtsıaryn ashý týraly usynysqa pikir bildirdi, dep habarlaıdy QazAqparat tilshisi.

«Marqum Mıhaıl Dorofeev bir joly «Eger ashyq qoǵam qurǵymyz kelse, áýeli ózimizden bastaýymyz kerek» dep jazǵan bolatyn. ıAǵnı, biz ózimizdiń túpki benefıtsarymyzdy kórsetýimiz kerek. BAQ-tyń qandaı qarjyǵa ómir súrip júrgeni kórinip turýy qajet. Ondaı jaǵdaıda memlekettik organdardyń da amaly qalmaıdy. Óıtkeni BAQ óziniń ashyqtyǵyn kórsetip otyr. Jumys tobynda osyndaı usynys aıtylyp, ár BAQ-tyń artyndaǵy túpki benefıtsıardy, qarjylandyrý kózin ashý usynylǵan. Eger túpki benefıtsıar belgili bolsa, memlekettik aqparattyq tapsyrys týraly málimetter de ashyqqa shyǵady. Kommertsııalyq qupııa prıntsıpi bar ekeni, Qazaqstandaǵy aqparat naryǵy shaǵyn ekeni túsinikti», - dedi mınıstr.

Onyń aıtýynsha, BAQ-tyń kóbi memlekettik aqparattyq tapsyrys alý arqyly kún kórip otyr.

«Múmkin benefıtsıarlardy ashý kerek shyǵar. Alaıda aqparattyń bir bóligin ashqannan keıin basqa bólikterin de ashý kerek bolady. ıAǵnı, qarjylandyrý qaıdan kelip jatqany da aıtylýy kerek. Bálkim quryltaıshylardyń biri sýbsıdııa bóletin shyǵar nemese granttar alatyn shyǵar. Biraq bul usynys qana, ol áli talqylanady», - dedi Asaq Ýmarov Parlamenttiń birlesken otyrysynan keıin BAQ ókilderiniń suraǵyna bergen jaýabynda.

Aıta keteıik, búgin Parlament Úkimet pen Esep komıtetiniń bıýdjet týraly esebin bekitti.