Mınıstr aýyl mektebi muǵalimderin «Bolashaq» baǵdarlamasymen shetelge oqýǵa jibermek
«Aýyl mektepterin jabdyqtaý máselesin birinshi kezekke qoıyp otyrmyn. Bul aýyl men qala mektepteri arasyndaǵy alshaqtyqty joıýǵa múmkindik beredi degen oı bar. Aýyl mektepterindegi muǵalimderdi de «Bolashaq» baǵdarlamasymen sheteldik taǵylymdamaǵa jiberý máselesin qolǵa alamyz. Bıyl birinshi ret pılottyq joba retinde Aqtóbe oblysyndaǵy aýyl mektepterinińi 10-ǵa jýyq muǵalimin iriktep aldyq. Solarmen jumys istep kóremiz. Sol muǵalimderdi birinshi lekpen shetelge jiberemiz. Ol jaıynda málimet jarııalaımyz. Odan jaqsy nátıje shyqsa, mektep basshylary da, muǵalimderi de 3-6 aılyq taǵylymdamaǵa jiberilip otyrady», - dedi Oqý-aǵartý mınıstri Ǵanı Beısembaev.
Buǵan deıin mınıstr muǵalimderdi zańbuzýshylyqpen qabyldaý faktileri eń kóp tirkelgen aımaqtardy ataǵan bolatyn.
Mundaı jaǵdaı boıynsha Almaty oblysynyń Qarasaı aýdany kósh bastap tur.
Sondaı-aq Oqý-aǵartý mınıstri Ǵanı Beısembaev «Altyn belgi» alý úshin ata-analar túrli qýlyq-sumdyqqa baratynyn sóz etti.
Mınıstr oqýshylar arasyndaǵy tóbeleske pikir bildirip, birinshi kezekte ata-ana balasynyń tárbıesine jaýapkershilikpen qaraýy kerektigin qadap aıtty.
