Mınıstr: Aýyr atletıka — elimizdegi eń tanymal ári jankúıeri kóp sport túriniń biri

ASTANA. KAZINFORM — Týrızm jáne sport mınıstri Erbol Myrzabosynov Halyqaralyq aýyr atletıka federatsııasynyń (IWF) prezıdenti Muhammed Hasan Djalýd ál-Shammarı jáne Azııa aýyr atletıka federatsııasynyń tehnıkalyq komıteti tóraıymy Olga Solovevamen kezdesti. Bul týraly Týrızm jáne sport mınıstrliginiń baspasóz qyzmeti habarlady.

Министр: Ауыр атлетика — еліміздегі ең танымал әрі жанкүйері көп спорт түрінің бірі
Фото: Туризм және спорт министрлігі

Kezdesý barysynda taraptar Qazaqstanda jáne halyqaralyq deńgeıde aýyr atletıkany damytý áleýetin talqylady. Ásirese, elimizde ótetin iri týrnırlerge erekshe nazar aýdaryldy. Atap aıtqanda, shilde aıynda aýyr atletıkadan jastar men jasóspirimder arasyndaǵy Azııa chempıonaty ótedi. Sondaı-aq 2028 jyly Los-Andjeleste alaýy tutanatyn Olımpııa oıyndaryna reıtıngtik upaı beretin álem chempıonaty da elimizde uıymdastyrylmaq. Mınıstr Qazaqstanda ótetin halyqaralyq jarystardyń otandyq sport úshin mańyzdy ekenin atap ótti.

Mınıstr: Aýyr atletıka — elimizdegi eń tanymal ári jankúıeri kóp sport túriniń biri
Foto: Týrızm jáne sport mınıstrligi
— Aýyr atletıka — elimizdegi eń tanymal ári jankúıeri kóp sport túriniń biri. Jankúıerlerdiń qoldaýy nátıjesinde bizdiń sportshylarymyz halyqaralyq arenalarda jaqsy nátıje kórsetip júr. Halyqaralyq aýyr atletıka federatsııasynyń basshylyǵyna bizge senim artyp, elimizde bedeldi jarystar ótkizý múmkindigin bergeni úshin alǵys bildiremiz. Óz tarapymyzdan, atalǵan jarystardy joǵary deńgeıde uıymdastyryp, qatysýshylar men qonaqtar úshin barlyq qajetti jaǵdaıdy jasaımyz, — dedi Erbol Myrzabosynov.
Mınıstr: Aýyr atletıka — elimizdegi eń tanymal ári jankúıeri kóp sport túriniń biri
Foto: Týrızm jáne sport mınıstrligi

Muhammed Hasan Djalýd ál-Shammarı Qazaqstanmen aýyr atletıka sportyn damytý baǵytynda yntymaqtastyqty odan ári jalǵastyrýǵa daıyn ekenin jetkizdi. Sondaı-aq ol Qazaqstannyń aýyr atletıkany álemdik deńgeıde nasıhattaýda mańyzdy ról atqaratynyn atap ótti. Kezdesýden keıin Muhammed Hasan Djalýd ál-Shammarı men Olga Soloveva elordadaǵy sporttyq nysandardy aralap, aldaǵy jarystarǵa daıyndyq barysymen tanysty. Jastar men jasóspirimder arasyndaǵy Azııa chempıonaty eldegi eń iri sport keshenderiniń biri — Qazaqstan jeńil atletıka arenasynda ótedi.

Aıta keteıik, bul — IWF basshysynyń sońǵy birneshe aıda Qazaqstanǵa jasaǵan ekinshi sapary. 2025 jyldyń qańtarynda Muhammed Hasan Djalýd ál-Shammarı elimizge resmı saparmen kelip, Memleket basshysynyń qabyldaýynda bolǵan edi. Sol kezdesýde aýyr atletıka salasyndaǵy yntymaqtastyqty nyǵaıtý jáne Qazaqstannyń osy sport túrindegi halyqaralyq yqpalyn arttyrý máseleleri qarastyrylǵan bolatyn.

Aıta ketelik sport salasynda únemdelgen qarajattyń biraz bóligi balalardy damytýǵa baǵyttalatyny týraly jazǵan edik

Сейчас читают