Mınıstr astyq eksporty týraly: Iran, Ázerbaıjan, Armenııa, Grýzııa naryqtaryn ózimizge qaıtardyq

ASTANA. KAZINFORM – Aýyl sharýashylyǵy mınıstri Aıdarbek Saparov Úkimet otyrysynda bıyl Iran men Grýzııaǵa astyq eksporttaý kólemi qalpyna kelgenin málim etti. 

- Bıyl qazaqstandyq astyq Belgııa (10,6 myń tn), Portýgalııa (14,2 myń tn), Polsha (4,9 myń tn), Norvegııa (13,6 myń tn), Ulybrıtanııa (3 myń tn), Vetnam (17,7 myń tn), Birikken Arab Ámirlikteri (1,6 myń tn) jáne Soltústik Afrıka (Marokko (162 myń tn), Aljır (181 myń tn), Egıpet (11,6 myń tn)) elderine jetkizildi.

Iran (738,3 myń tn), Ázerbaıjan (542,5 myń tn), Armenııa (1 myń tn) jáne Grýzııa (76,3 myń tn) baǵyttaryna eksport qaıta jandandy. Bul jerde óte tómen túsip ketken. Qazir sol kólem qalpyna keldi, - dedi mınıstr.

Osylaısha bıyl orylǵan 2,2 mln tonna qazaqstandyq astyq eksporttalǵan.

- Bul ótken jylmen salystyrǵanda 21% kóp. Memleket basshysynyń tapsyrmasyna sáıkes astyqty tereń óńdeý boıynsha 5 ınvestıtsııalyq joba iske asyrylýda. Bul jobalar nátıjesinde naryqtan qosymsha 2,5 mln tonna astyq tartylady, - dedi Aıdarbek Saparov.

Aıta keteıik, Úkimet búgin egin jınaý naýqanyn qorytyndylap, sporttyq ınfraqurylymdy damytý máselesin pysyqtap jatyr.