Mınıstr Astanadaǵy ushaq oqıǵasyna qatysty: Adamı faktor bolýy múmkin
ASTANA. QazAqparat - QR Investıtsııalar jáne damý mınıstri Jeńis Qasymbek ushyp-qoný jolaǵynan shyǵyp ketken Air Astana kompanııasynyń ushaǵymen bolǵan oqıǵaǵa qatysty pikir bildirdi, dep habarlaıdy QazAqparat tilshisi.
Oqıǵa mamyr aıynyń sońynda Nursultan Nazarbaev áýejaıynda oryn alǵan bolatyn.
«Áýede bolǵan oqıǵalar uzaq ýaqyt boıy tekseriledi. Máselen, Shýdaǵy poıyz apaty boıynsha tergeý jumystary aıaqtaldy, materıaldar quqyq qorǵaý organdaryna berildi. Air Astana ushaǵy boıynsha tergeý jumystary áli júrip jatyr. Aldyn ala boljam boıynsha, munda adam faktory bar, ıaǵnı qyzmetkerler qatelik jibergen», - dedi Jeńis Qasymbek Ortalyq kommýnıkatsııalar qyzmetinde ótken baspasóz máslıhatynda.
Baspasóz máslıhatynan soń, mınıstr kez kelgen oqıǵanyń birneshe faktorlardan bolatynyn túsindirdi.
«Tehnıkada esh aqaý bolmaǵan, aýa raıy jaǵdaıy óte qıyn boldy. Biraq, bul ushaqqa deıin de, keıin de áýe kemeleri ushyp-qondy. Sondyqtan, pılot pen dıspetcher qyzmetiniń jumystary tekserilip jatyr», - dedi ol.
Eske sala ketsek, tótenshe oqıǵa mamyr aıynyń sońynda Nursultan Nazarbaev áýejaıynda tirkeldi. «Eır Astana» áýekompanııasynyń Shymkent - Astana baǵytyndaǵy Airbus-320 ushaǵy qonǵannan keıin ushyp-qoný jolaǵynan shyǵyp ketken. Bortta 97 jolaýshy jáne 9 ekıpaj múshesi bolǵan. Aıta keteıik, sol ýaqytta burshaq aralas jańbyr jaýyp turǵan bolatyn.
