Mınıstr: «ArsellorMıttal Temirtaýdyń» aktsıonerleri arasynda Nazarbaev áýletiniń ókilderi joq

Ónerkásip jáne qurylys mınıstri Qanat Sharlapaev Úkimet otyrysynan keıingi baspasóz konferentsııada «ArsellorMıttal Temirtaýdyń» aktsıonerleri týraly málimet berdi, dep habarlaıdy Kazinform.

«ArsellorMıttal Temirtaýdyń» aktsıonerleriniń ishinde Nazarbaev áýletiniń ókilderi bar ma?», - dep surady BAQ qkili.

Mınıstrdiń sózinshe, bul málimet shyndyqqa janaspaıdy.

«Joq. ArsellorMıttaldyń» bizge bergen málimeti boıynsha, olar bul kásiporynnyń 100 paıyz menshik ıesi bolyp esepteledi jáne óz aktsııalary boıynsha eshqandaı shekteýsiz tolyq ózdiginen sheshim qabyldaı alady», - dedi Qanat Sharlapaev.

Eske salsaq, Kostenko shahtasyndaǵy 46 kenshiniń ómirin jalmaǵan apattan keıin Vadım Basın «ArsellorMıtal Temirtaý» AQ Kómir departamentiniń bas dırektory mindetin atqarýshy bolyp taǵaıyndalǵan edi. https://kaz.inform.kz/news/vadim-basin-arsellormital-temrtau-ak-komr-departamentnn-basshisi-bolip-tagayindaladi-770dae/