Mınıstr árbir qazaqstandyqty «Densaýlyq aptasyna» qatysýǵa shaqyrdy
ASTANA. 7 jeltoqsan. QazAqparat /Rýslan Ǵabbasov/ - Densaýlyq saqtaý mınıstri Salıdat Qaıyrbekova árbir Qazaqstan azamatyn «Densaýlyq aptasyna» qatysýǵa shaqyrdy.
Bul jaıynda vedomstvo basshysy búgin mınıstrliktegi selektorlyq keńes barysynda aıtty.
«Bul keńes barysynda «Salamatty Qazaqstan» memlekettik baǵdarlamasyn júzege asyrý barysyn talqylaımyz. Bul jıynǵa selektorlyq rejımde 2 myńnan astam adam qatysady»,-dedi mınıstr.
Olardyń arasynda medıtsınalyq qyzmetkerler, medıtsınalyq oqý oryndarynyń oqytýshylary men stýdentteri bar.
«Qazaqstan Táýelsizdigi qarsańynda búgin ulttyq «Densaýlyq aptasyna» bastaý beremiz. Bul shara 12 jeltoqsanda aıaqtalady»,-dedi vedomstvo basshysy. Onyń sózine qaraǵanda, atalǵan aptalyq barsha oqý oryndarynda ótkiziledi. ıAǵnı, osy shara aıasyndaǵy densaýlyq sabaqtary barysynda elimizdiń jasóspirimderi arasynda salaýatty ómir saltyn nasıhattaý, aýrýlardyń aldyn alý máseleleri túsindiriledi.
