Mınıstr Álnazarova bastaýysh synyptar qandaı jaǵdaıda qashyqtan oqýǵa kóshetinin aıtty
ASTANA. KAZINFORM – Densaýlyq saqtaý mınıstri Aqmaral Álnazarova Úkimet otyrysynda bastaýysh synyptardy epıdahýalǵa baılanysty qashyqtan oqýǵa jiberý úshin aýrýshańdyq qaı deńgeıde bolý kerektigin eske saldy.
- Bilim berý uıymdarynda oqýshylar men qyzmetkerlerdiń aýrýshańdyǵy men sabaqqa qatysýyna kúndelikti monıtorıng júrgiziledi. JRVI jáne tumaý belgileri bar balalardy anyqtaý úshin kúndelikti tańerteńgi «súzgi» uıymdastyrylyp jatyr. Mektepterde temperatýralyq jáne dezınfektsııalyq rejım qatań saqtalyp otyr, - dedi mınıstr.
Aqmaral Álnazarova oblys ákimderine mańyzdy aqparat berdi.
- Bas sanıtar dárigerdiń 28 tamyzdaǵy qaýlysy boıynsha bastaýysh synyp oqýshylaryna qashyqtan oqytý rejımi ár óńir oqýshylarynyń 30 paıyzdan astamy aýyrǵan jaǵdaıda engizýge negiz bar ekenin habarlaımyn, - dedi ol.
Osyǵan deıin vırýstardyń órshýi jeltoqsannyń ortasyna deıin jalǵasýy múmkin ekeni týraly jazdyq.