Mınıstr Almatyda stýdent qyzdyń ólimine sebep bolýy múmkin jaǵdaıdy aıtty

ASTANA. KAZINFORM – Ǵylym jáne joǵary bilim mınıstri Saıasat Nurbek Almatyda bıikten qulaǵan stýdent qyzdyń ólimine sebep bolýy múmkin jaǵdaıdy aıtty.

Búgin Úkimet otyrysynan keıingi baspasóz máslıhatynda «stýdenttiń jazǵy kanıkýl kezinde oqý ornynyń ǵımaratynda ne istep júrgeni» týraly surady.

- Qazir tergeý amaldary jalǵasyp jatyr. Bul oqıǵaǵa qatysty Almaty qalasynyń Polıtsııa departamenti tolyqqandy aqparat beredi. Atap aıtqanda, bul oqıǵadan keıin joǵary oqý ornynyń basshylyǵy stýdenttiń týystarymen birden baılanysqa shyǵyp, qoldaý kórsetti. Ata-anasymen baılanystamyz. Sondyqtan jaqyn arada resmı derekter jarııalanýy kerek, - dedi S. Nurbek tilshiler suraǵyna jaýap bere otyryp.

Onyń aıtýynsha, oqıǵaǵa otbasyndaǵy sebepter túrtki bolǵan. Bul turǵyda osy qaıǵyly oqıǵanyń ýnıversıtetke nemese oqý protsesine qatysy joq.

Eske salsaq, 30 shildede stýdent qyzdyń Ál-Farabı atyndaǵy QazUÝ rektoratynyń ǵımaratynda 14-qabattan sekirgeni týraly málim boldy.