Mınıstr Aqtóbedegi jedel shtabtyń jumysyn tekserdi

AQTÓBE. QazAqparat - Tótenshe jaǵdaılar mınıstri ıÝrıı Ilın Aqtóbe oblysyna jumys sapary barysynda óńirdegi sý tasqyny jaǵdaıyna baılanysty qurylǵan jedel shtabqa bardy, dep habarlaıdy QazAqparat.

Mınıstr jedel shtabtyń jumysymen tanysyp, óńirlik TJD men jergilikti atqarýshy organdardyń ózara is-qımylyn zerttedi.

Jedel shtab mamandary aqparatty jınaý jáne óńdeý, jaǵdaıǵa monıtorıng júrgizý jáne ony baǵalaý, sý tasqyny qaýpi bar ýchaskelerge kúshter men quraldardy bólý boıynsha jumys júrgizýde. Mınıstr jedel shtabtyń aldyna kúshter men quraldardy turaqty basqarýdy uıymdastyrý jáne qamtamasyz etý, oblystyń múddeli qurylymdary arasyndaǵy ózara is-qımyldy uıymdastyrý jáne odan ári jumysty jalǵastyrý, sondaı-aq TJ-ny joıý jónindegi jumystardy jan-jaqty qamtamasyz etý boıynsha mindetterdi qoıdy.

Tótenshe jaǵdaılar departamentinde ıÝrıı Ilın Daǵdarys jaǵdaıyndaǵy basqarmanyń jumysymen de tanysty, onda kezekshi aǵymdaǵy jedel ahýal boıynsha aqparatty baıandady.

TJM basshysy aǵymdaǵy jaǵdaıǵa baılanysty jedel sharalar qabyldaý boıynsha birqatar naqty mindetter qoıdy.