Mınıstr Aqtaýda sport alańyn salýǵa ýáde berdi
ASTANA. QazAqparat - Aqtaýda Ildar ıAgıaev pen oǵan daýys berýshilerdiń arqasynda jańa street workout kásibı alańy paıda bolady. Jeńimpaz Challenge StreetWorkout respýblıkalyq fleshmobynyń qorytyndysy boıynsha anyqtaldy, dep habarlaıdy QazAqparat Lada.kz saıtyna silteme jasap.
Challenge StreetWorkout sáýirde bastaldy. Sharany QR Mádenıet jáne sport mınıstrligi uıymdastyrdy. Oǵan 167 adam ótinish bergen. Olardyń árqaısysy vıdeo túsirdi. Konkýrsqa qatysýǵa tek 126 ótinish jiberildi. Qatysýshylardyń arasynda tanymal sportshylar, saıasatkerler men ákimder boldy. Solardyń arasynan Aqtaý turǵyny, qosymsha salmaq baılap tartylýdan Qazaqstan rekordshysy jeńimpaz atandy. Oǵan 10 myń adam daýys bergen.
«Men chellendjge qatysýshylardyń barlyǵyna alǵys aıtamyn. Bul qazaqstandyqtardy salaýatty ómir saltyn ustanýǵa shaqyratyn sońǵy naýqan emes. Biz taıaý ýaqytta Aqtaýda mindetti túrde sport alańyn salamyz», - dedi mádenıet jáne sport mınıstri Arystanbek Muhamedıuly.
Eske salaıyq, Ildar ıAgıaev óz vıdeosynda Aqtaý, Almaty, Dýbaı qalalarynda jasaǵan jattyǵý elementterin kórsetken.
