Mınıstr Aıda Balaeva Japonııa Elshisimen kezdesti

NUR-SULTAN. QazAqparat - Aqparat jáne qoǵamdyq damý mınıstri Aıda Balaeva Japonııanyń Qazaqstandaǵy Tótenshe jáne Ókiletti Elshisi Djýn ıAmadamen kezdesti, dep habarlaıdy QazAqparat.

Áńgime barysynda ekijaqty yntymaqtastyqty damytý perspektıvalary talqylandy.

Óz kezeginde, Elshi Qazaqstan men Japonııa arasyndaǵy dıplomatııalyq qatynastardyń ornaǵanyna 30 jyl tolýyna oraı ekijaqty yntymaqtastyqty keńeıtýge qyzyǵýshylyq tanytty.

Kezdesý qorytyndysy boıynsha taraptar yntymaqtastyqty odan ári damytý jáne ózara tıimdi qatynastardy nyǵaıtý týraly nıetterin bildirdi.