Mınıstr Ahmetjanov ShQO-da balany izdeýge qatysqandarǵa alǵys aıtty

ÓSKEMEN. QazAqparat - Іshki ister mınıstri Marat Ahmetjanov kámeletke tolmaǵan Temirlan Ahmedjanovty izdeýge qatysqan azamattarǵa alǵys bildirdi, dep habarlaıdy QazAqparat Polisia.kz saıtyna silteme jasap.

14 tamyzda túngi saǵat 02:30 shamasynda úıden shyǵyp ketip, iz-túzsiz joǵalǵan Temirlan Ahmedjanov búgin kópir mańyndaǵy shuńqyrdan tabylǵan bolatyn. Ony tapqan ShQO Polıtsııa departamenti arnaıy jasaǵynyń qyzmetkeri Tilek Erlibekovtiń aıtýynsha, bala shuńqyrdan óz erkimen shyǵýǵa qulshynys bildirmegen. Jetkinshek aýtızmge shaldyqqany buǵan deıin habarlandy.

«Іshki ister mınıstri Marat Ahmetjanov kámeletke tolmaǵan Temirlan Ahmedjanovty izdeýge qatysqandardyń eńbegin joǵary baǵalap, alǵysyn bildirdi. Ár mınýt sanaýly bolatyn. Bala tabylǵan shuńqyrdyń tereńdigi úsh metrdi qurady. Túngi ýaqytta temperatýranyń tómendigin eskeretin bolsaq, oqıǵa qaıǵyly aıaqtalýy múmkin edi. Qazirgi ýaqytta izdeý operatsııasy aıaqtaldy. Іzdeýge 400-den astam polıtsııa qyzmetkeri jumyldyryldy. ShQO Polıtsııa departamenti arnaıy jasaǵynyń qyzmetkeri Tilek Erlibekovtyń qyraǵylyǵynyń arqasynda bala aman-saý tabyldy. Balany tapqany úshin mınıstr Marat Ahmetjanov polıtseıdi «Qoǵamdyq tártipti qamtamasyz etýge qosqan úlesi úshin» vedomstvolyq medalimen marapattady», - dedi polıtsııadan.

Eske salaıyq, balany izdeýge polıtsııa qyzmetkerleri, qutqarýshylar, kınologtar, QR Ulttyq ulany sarbazdary men volonterler jumyldyrylǵan bolatyn.

Foto: polisia.kz