Mınıstr Abzal Ájiǵalıevtiń olımpıadaǵa daıyndyq jónindegi syn-pikirine jaýap berdi

ŞÝChINSK. QazAqparat – Short-trekten qazaqstandyq sportshy, Beıjiń olımpıadasynda 4 orynǵa ıe bolǵan Abzal Ájiǵalıev qysqy sporttyń damýyndaǵy olqylyqtar týraly aıtyp bergen edi. Osy máselege qatysty QR Mádenıet jáne sport mınıstri Dáýren Abaev pikir bildirdi, dep habarlaıdy QazAqparat tilshisi.

«Ol máseleni sportshy retinde kóterip otyr. Sol arqyly kásibı sportqa rasymen jany ashıtyndyǵyn dáleldedi. Jararlyq is. Bul jerde másele tek qoljetimsizdikpen baılanysty emes. Bapkerler de suraqty ýaqytyly kóterip otyrý kerek. Mınıstrliktiń muz aıdyny jáne basqa da sport salasyndaǵy sheshilýi tıis problemalardan habary bar. Máseleni keshendi jáne júıeli túrde sheshýdiń jolyn qaraımyz», - dedi Dáýren Abaev Beıjiń olımpıadasynyń qorytyndysyna arnalǵan keńeıtilgen otyrys barysynda tilshilerdiń suraǵyna jaýap bere turyp.

Eske sala ketsek, short-trekshi Abzal Ájiǵalıev qysqy sport túrlerine qatysty olqylyqtardy ashyp aıtqan edi.

Ol Facebook paraqshasynda olımpıadaǵa daıyndyqqa ne kedergi keltiretinin tizip berdi.

Aıta keteıik, Beıjińde ótken qysqy olımpıada oıyndarynda Abzal Ájiǵalıev 500 metrge júgirýden tórtinshi oryn aldy.

Sondaı-aq, ol Olımpıadanyń ashylý jáne jabylý saltanatynda Qazaqstan týyn ustap shyqqan bolatyn.

Odan bólek, qazaqstandyq sportshy el namysyn abyroıly qorǵap, óz ónerine rıza ekenin jetkizdi.