Mınıstr 3 aıda ǵana salynǵan depony aralap kórdi
ASTANA. KAZINFORM - Búgin TJM Komandalyq ortalyǵyna Ónerkásip jáne qurylys mınıstri Qanat Sharlapaev keldi. Bul týraly Tótenshe jaǵdaılar mınıstrligi habarlady.
TJ mınıstri general-maıor Shyńǵys Árinov jumys kezdesýi barysynda Qanat Sharlapaevty tabıǵı jáne tehnogendik sıpattaǵy tótenshe jaǵdaılardy joıý kezinde jedel sheshimder qabyldanatyn jańartylǵan ahýaldyq zaldyń qyzmetimen tanystyrdy.
«Mınıstrliktiń apparatynda Tótenshe jaǵdaılardy boljaý, modeldeý jáne taldaý úshin zamanaýı tsıfrlyq júıelerimen jabdyqtalǵan Komandalyq ortalyq quryldy. Ol Jedel shtabtyń fýnktsııalaryn júzege asyrýmen qatar, eldegi jedel jaǵdaıdy basqaryp, qajet bolǵanda qosymsha kúshter men quraldardy ulǵaıtady», – dedi mınıstr.
Budan ári Ónerkásip jáne qurylys mınıstrliginiń delegatsııasy elordalyq №23 jańa órt sóndirý bólimin aralady. Osy joba aldaǵy ýaqytta óńirlerde de jalǵasyn tabady. Depo 3,5 aıda salynǵanyn atap ótken jón.
Órt sóndirý bólimi óziniń ámbebap konstrýktsııalarymen, qasbettiń zamanaýı dızaınymen jáne oılastyrylǵan fýnktsıonaldylyǵymen erekshelenedi.