Mını-fýtboldan Qazaqstannyń Ulttyq stýdenttik lıgasynyń fınaldyq oıyndary bastaldy

Aldaǵy jyly stýdentter arasynda ótetin mını-fýtboldan álem chempıonatyna qatysý úshin JOO komandalarynyń úzdik oıynshylary elimizdiń quramasyna irikteledi.

«Mını-fýtboldan Qazaqstannyń Ulttyq stýdentter lıgasynyń ekinshi maýsymyna 30-dan astam komanda qatysyp otyr. Olar Astana, Almaty, Qaraǵandy jáne Shymkent qalalaryndaǵy, Almaty oblysyndaǵy JOO ókilderi.

Eske sala keteıik, ótken jyly USL oıyndaryna Astana men Almaty qalalarynyń JOO-lary ǵana qatysqan bolatyn. Bul Qazaqstanda stýdentterdiń sporttyq qozǵalysynyń keńinen taralýynyń aıqyn dáleli ekendigin kórsetip otyr»,-delingen QR BǴM málimetinde.

Osy jyldyń kókteminde ótken irikteý oıyndarynyń nátıjeleri boıynsha Chempıonattyń fınaldyq bóligine qatysýǵa «joldama» alǵandar belgili boldy.

Atap aıtqanda, USL fınalyna Astana qalasynan «NAZARBAYEV UNIVERSITY» (Nazarbaev Ýnıversıteti), «Agroteh-57» (S.Seıfýllın atyndaǵy Qazaq agrotehnıkalyq ýnıversıteti) jáne «Kúltegin» (L.N. Gýmılev atyndaǵy Eýrazııa Ulttyq ýnıversıteti) komandalary, Almaty oblysy men Almaty qalasynan «Techno» (Eýrazııalyq tehnologııalyq ýnıversıtet), «Jetisý Barysy» (І.Jansúgirov atyndaǵy Jetisý memlekettik ýnıversıteti), «IT Legion» (Halyqaralyq aqparattyq tehnologııalar ýnıversıteti), «Altyn Dán» (Qazaq ulttyq agrarlyq ýnıversıteti), «Caspian University» (Kaspıı ýnıversıteti) jáne «Arlan» (ál-Farabı atyndaǵy Qazaq ulttyq ýnıversıteti), Shymkent qalasynan «Dostyk» (Qazaqstan ınjenerlik-pedagogıkalyq halyqtar dostyǵy ýnıversıteti) jáne basqa da komandalar bar.

Toptyq kezeńniń jarystary «Dostyq» sport kesheninde 16-19 qarasha aralyǵynda uıymdastyralyd. Al jartylaı fınal jáne fınal jeksenbi kúni - 22 qarashada ótedi.