Myńǵa jýyq jas pedagog «Keleshek mektepterinde» jumys isteýge ótinim berdi

ASTANA. KAZINFORM — Jańa formattaǵy «Keleshek mektepterine» jas pedagogterdi irikteý jumystary jalǵasyp jatyr. Bul týraly Oqý-aǵartý mınıstrligi málim etti.

Vedomstvo «Órleý» biliktilikti arttyrý ulttyq ortalyǵyna silteme jasaı otyryp, irikteýge qatysý úshin 917 ótinim túskenin málimdedi. Testileýge elimizdegi 5 pedagogıkalyq joǵary oqý ornynyń túlekteri qatysty. Úmitkerler testileý barysynda pándik bilim deńgeıimen qatar, áleýmettik jáne emotsıonaldyq quzyretteri boıynsha da baǵalanady.

— Nátıjesinde, úzdik nátıje kórsetken 540 túlektiń elektrondy portfolıolary career.orleu.edu.kz tsıfrlyq platformasyna júkteldi. Bul — jas pedagogterdi ádil ári tıimdi irikteýge arnalǵan zamanaýı qural. Platforma tek «Keleshek mektepteri» dırektorlary úshin qoljetimdi. Osylaısha, olar óńirlik qajettilikke, pándik baǵytqa jáne úmitkerdiń kásibı daıyndyǵyna sáıkes pedagogti irikteı alady, - delingen habarlamada.

Aıta keteıik, jas pedagogterdi irikteý jumysy aldaǵy ýaqytta da jalǵasady. Ásirese, bilikti kadrlarǵa suranys joǵary óńirlerge basymdyq beriledi.

Buǵan deıin habarlanǵandaı, «Keleshek mektepteri» baǵdarlamasyna saı 800-ge jýyq aýyl muǵalimi biliktilikti arttyrý kýrsynan ótken edi.