Minerals.e-qazyna.kz biryńǵaı platformasy qurylady

ASTANA. KAZINFORM – Minerals.e-qazyna.kz biryńǵaı platformasy qurylady. Bul týraly Úkimet otyrysynda Ónerkásip jáne qurylys mınıstri Qanat Sharlapaev aıtty.

- Jer qoınaýyn paıdalaný jáne geologııa salalaryn avtomattandyrý maqsatynda minerals.e-qazyna.kz biryńǵaı platformasyn qurý boıynsha halyqaralyq tájirıbe negizinde jumystar júrgizilýde. Biryńǵaı platformada ınvestordyń ótinim berýinen bastap, lıtsenzııa alýyna deıin tsıfrlandyrylǵan protsess iske asyrylady. Osy baǵytta Fınlıandııa geoportalynyń modeli negizge alyndy, - dedi Qanat Sharlapaev.

Sonymen qatar mınıstr byltyr jáne bıyl ótkizilgen elektrondy aýktsıondardan bıýdjetke 9 mlrd teńge túskenin aıtty.

- Investorlarǵa perspektıvaly ýchaskelerdi tańdaýdy ońtaıladyrý maqsatynda ınteraktıvti karta ázirlenip, 66 myńnan astam geologııalyq esep daıyndaldy, - dedi ol.