Mindetti zeınetaqy jarnalary men áleýmettik aýdarymdar tarıfi ózgeredi

NUR-SULTAN. QazAqparat – Mindetti zeınetaqy jarnalary men áleýmettiek aýdarymdar tarıfi ózgeredi. Bul týraly «Azamattarǵa arnalǵan Úkimet» memlekettik korporatsııasy Zeınetaqy jáne áleýmettik qamtamasyz etý jónindegi ortalyq fılıalynyń dırektory Asqar Musan aıtty, dep habarlaıdy QazAqparat tilshisi.

«Qazirgi ýaqytta zeınetaqy boıynsha jylyna shamamen 52 myń ótinim, áleýmettik tólemder boıynsha shamamen 30 myń ótinim qate aýdarymdarǵa baılanysty óńdeledi. ıAǵnı, qate aýdarylǵan tólemder jumys berýshiniń esepshotyna qaıtarylady. Sodan keıin olar qateligin túzetip, jumys berýshi úshin qaıtadan tólem jasaı alady. Býhgalterler qatelesetin jaıttar da kezdesedi. Bizge ótinim jazǵannan keıin somany qaıtaramyz. Tolyqtaı alǵanda osy jyly zeınetaqy men áleýmettik tólemder boıynsha 10 mlrd teńgeni qaıtaramyz. Naqty aıtqanda mindetti áleýmettik tólem boıynsha - shamamen 4 mlrd teńge, mindetti zeınetaqy jarnasy boıynsha - shamamen 6 mlrd teńge jumys berýshiniń esepshotyna qaıtarylady. Tarıfter respýblıkalyq bıýdjet qarajaty esebinen memleket tarapynan óteledi», - dedi ol.

Onyń atap ótýinshe, Esep komıteti tarapynan atalǵan tarıfterdi qysqartý týraly uıǵarym kelip túsken. Soǵan oraı tarıfter qaıta qaralyp otyr.

«Buǵan deıin ortashalandyrylǵan tarıf bolatyn. Endi biz bul tarıfti eki quramǵa bólip otyrmyz. ıAǵnı, bankterden qaıtarylǵany úshin qansha bolatynyn jáne ótinish boıynsha qansha qaıtarylatynyn jeke naqtyladyq. Eger buǵan deıin bizdegi mindetti zeınetaqy boıynsha tarıf - 403 teńge bolsa, endigi ýaqytta ol bankterden qaıtarylǵany úshin - 262 teńge jáne ótinish boıynsha - 1 417 teńge bolady», - dedi Asqar Musan.