Mindetti medıtsınalyq saqtandyrýǵa aýysý aýyrtpalyqsyz bolady - A. Baıgenjın
ASTANA. QazAqparat - Mindetti áleýmettik medıtsınalyq saqtandyrýǵa aýysý aýyrtpalyqsyz bolady. Bul týraly búgin Ortalyq kommýnıkatsııalar qyzmetindegi baspasóz máslıhatynda Ulttyq ǵylymı medıtsınalyq ortalyǵynyń dırektory Abaı Baıgenjın málim etti.
«Bul baǵyttaǵy sharalar aýyrtpalyqsyz bolady, birinshi kezekte jumysshylar men Qazaqstan azamattary úshin, sebebi onda óte tómen paıyzdyq deńgeı qarastyrylǵan. Jumys berýshiler úshin de bul turǵyda salmaq túsirmeıtin tártip eskerilgen. Árıne, memleket dekrettelgen kontıngentke jýapkershilikpen qaraıtyn bolady.Osy oraıda birinshi kezekte balalar, oqýshylar, stýdentter, úı sharýasyndaǵy áıelder, zeınetkerler men múgedekter qamtylǵan. ıAǵnı, bul - memlekettiń mindeti»,-dedi A. Baıgenjın.
Esterińizge sala keteıik, ótken jyldyń qarashasynda Prezıdent Nursultan Nazarbaev «Mindetti áleýmettik medıtsınalyq saqtandyrý týraly» Qazaqstan Respýblıkasynyń Zańyna qol qoıǵan bolatyn. Zań aldaǵy jyldyń qańtarynan bastap iske qosylady. Sonymen qatar Mindetti medıtsınalyq saqtandyrý qory qurylýda.
