Mindetti medıtsınalyq saqtandyrýdan qansha qarajat jınalady

ASTANA. QazAqparat - Mindetti áleýmettik medıtsınalyq saqtandyrý (MÁMS) júıesi iske qosylǵannan keıin shamamen qansha qarajat jınalatyny aıtyldy, dep habarlaıdy QazAqparat.

«MÁMS júıesi iske qosylǵan soń, ony 2019 jylǵa qaldyrý eskerile otyryp, 114 mlrd teńge jınalatyny josparlanýda», - dedi Mindetti medıtsınalyq saqtandyrý qorynyń baspasóz qyzmeti «QazAqparat» saýalyna.

Sondaı-aq baspasóz qyzmetiniń málimdeýinshe, qordyń tolyqqandy jumysty bastaýyna qarajat jetedi.

«Áleýmettik medıtsınalyq saqtandyrýdyń qazaqstandyq úlgisin damytý prıntsıpteriniń biri - kepildikter men mindettemelerdiń teńgerimdiligi. Bul oraıda MÁMS-ke qarjynyń túsýinde tapshylyqtyń bolý qaýpi joq», - dep habarlady baspasóz qyzmetinen.

Buǵan deıin atalǵan qor MÁMS boıynsha kómek alý merzimi ózgertilýi múmkin ekenin habarlaǵan edi.