Mindetti medıtsınalyq saqtandyrý tóleminen jaltarǵandarǵa aıyppul salyna ma

ASTANA. QazAqparat - Mindetti áleýmettik medıtsınalyq saqtandyrý qoryna jarnalaryn ýaqytynda tólemegen nemese tóleýden jaltarǵandarǵa qandaı shara qoldanylady? "QazAqparat" HAA osyndaı saýalyna Mindetti medıtsınalyq saqtandyrý qory jaýap berdi.

«Jarnalar men aýdarymdardy der kezinde tólemegeni úshin memlekettik kirister organdary ár kún úshin QR Ulttyq banki bekitken qaıta qarjylandyrý resmı mólsherlemesiniń 1,25 ese kóleminde ósimaqy bekitedi. Máselen, MÁMS jarnasyn tóleý 30 kúnge keshiktirilse, 150 myń teńge jalaqy alatyndardyń ósimaqysy 16,41 teńgeni quramaq», - dep jaýap berdi Mindetti medıtsınalyq saqtandyrý qory.

Qordyń málimdeýinshe, óndirip alý jumysy memlekettik kirister organdarynyń boryshkerge habarlama jiberetin ınkassalyq ókimi arqyly júrgiziledi. Memlekettik kirister organdary qalyptasqan qaryzdar sheginde boryshkerdiń banktik shotynan aqsha óndirip alýǵa quqyly.

 «Jumys berýshiler men jeke kásipkerlerdiń mindetti áleýmettik medıtsınalyq saqtandyrýǵa jarna aýdarymyn keshiktirgeni úshin nemese tolyq tólemegeni úshin QR «Ákimshilik quqyq buzýshylyq týraly» Kodeksine (92-1 bap) sáıkes, ákimshilik jaýapkershilik qarastyrylǵan», - dep atap ótti Qordyń baspasóz qyzmeti.