Mindetti medıtsınalyq saqtandyrý reformasy boıynsha Jol kartasyn ázirleý kerek - QR Prezıdenti

ASTANA. QazAqparat - Búgin Aqordada ótken keńes barysynda Memleket basshysy Nursultan Nazarbaev Densaýlyq saqtaý jáne áleýmettik damý mınıstrligine jańa Jol kartasyn ázirleýdi tapsyrdy.

«Mindetti medıtsınalyq saqtandyrýdy engizý kerek degende de halyq buǵan kúdikpen qaraǵanyn jaqsy bilemin. Sondyqtan, Densaýlyq saqtaý jáne áleýmettik damý mınıstrligi osy másele boıynsha Jol kartasyn ázirlesin. Bul reforma árbir qazaqstandyqqa qatysty bolǵandyqtan, bárimizdiń nazarymyz osy reformada bolady»,-dedi N.Nazarbaev.

Aıta keteıik, Aqordada ótken keńeske Parlament palatalarynyń tóraǵalary, Premer-Mınıstr, Prezıdent Ákimshiliginiń basshysy, Úkimet músheleri men memlekettik organdardyń basshylary qatysty.