Mindetti medıtsınalyq saqtandyrý aıasynda dárigerlerdiń kómegi tegin bolady - Madjýga
ASTANA. QazAqparat - Qazaqstan Respýblıkasyndaǵy mindetti áleýmettik medıtsınalyq saqtandyrý júıesi iske qosylǵan soń, júıe aıasyndaǵy dárigerdiń kómegi tegin bolady.
Bul týraly búgin Astana qalasynyń ákimdiginde ótken baspasóz máslıhaty barysynda «Ulttyq ǵylymı medıtsınalyq holdıng» AQ emhanasynyń meńgerýshisi Vıktor Madjýga málim etti.
«Bizdiń boljam boıynsha, mindetti áleýmettik medıtsınalyq saqtandyrý júıesi iske qosylǵan soń, saqtandyrýdyń jalpy shyǵynynyń paıyzy jalpy ishki ónimge shaqqanda ósedi, solaısha, medıtsınalyq qyzmetterdiń sapasy artady. Dárigerlerimizdiń biliktiligin arttyryp, jańa tehnologııalar engizýge múmkindik týady»,-deıdi V.Madjýga.
Onyń aıtýynsha, túsindirý jumystary júrip jatqanyna qaramastan, halyq arasynda mindetti áleýmettik medıtsınalyq saqtandyrýdyń ne ekenin bilmeı jatqandar bar. Degenmen, V.Madjýga sendirgendeı, mindetti áleýmettik saqtandyrý júıesi iske qosylǵan soń, júıe aıasynda dárigerler tegin kómek kórsetedi. ıAǵnı, árbir azamattyń saqtandyrý polısi bolady, jumys berýshi jumysshylary úshin, al memleket áleýmettik az qamtylǵan toptar úshin jarna salady.
V.Madjýganyń habarlaýynsha, mindetti áleýmettik saqtandyrý júıesin jasaǵan kezde Qazaqstan Germanııa, Frantsııa, Reseı, Polsha, Lıtva sııaqty elderdiń tájirıbesin zerdelegen.
