Mindetti ekpe salý kezinde asyra silteý bolmaýy tıis - Toqaev
«Mynadaı eki máselege toqtalǵym keledi. Birinshiden, mindetti ekpe salý kezinde asyra silteý bolmaýy tıis. Medıtsınalyq sebepterge jáne belgili bir jaǵdaılarǵa baılanysty ekpe saldyrmaıtyn adamdar bar. Memlekettik organdar, ásirese monıtorıng júrgizý toptary osy máseleni eskerýi kerek. Ekinshiden, osyǵan deıin de aıttym, vaktsınatsııa týraly jalǵan qujattar jasaý naryǵy paıda boldy. Mundaı derekterdi tutas qoǵamnyń densaýlyǵy men qaýipsizdigine tóngen tikeleı qaýip dep túsiný qajet. Demek, jazaǵa tartý sharasy da qatań bolýy tıis. Bul Ákimshilik kodekske sáıkes zań buzýshylyq ekendigi aıdan anyq. Biryńǵaı testileý bazasynyń úlgisimen ekpe salýdyń tsıfrlyq kartasyn shuǵyl túrde iske qosý kerek»,- dedi QR Prezıdenti Úkimettiń keńeıtilgen otyrysy barysynda.
