Mindetti áleýmettik saqtandyrý júıesine qatysýshylardyń áleýmettik tólemderin júrgizý qaǵıdalary bekitildi
Qazaqstan Respýblıkasy Densaýlyq saqtaý jáne áleýmettik damý mınıstrliginiń buıryǵy №15
2016 jylǵy 13 qańtar,Astana qalasy
Mindetti áleýmettik saqtandyrý júıesine qatysýshylardy derbestendirilgen
esepke alýdy jáne olardyń áleýmettik aýdarymdary men áleýmettik tólemderin júrgizý qaǵıdalaryn bekitý týraly
«Mindetti áleýmettik saqtandyrý týraly» 2003 jylǵy 25 sáýirdegi Qazaqstan Respýblıkasy Zańynyń 11-babynyń 12-4) tarmaqshasyna sáıkes buıyramyn:
1. Qosa berilip otyrǵan Mindetti áleýmettik saqtandyrý júıesine qatysýshylardy derbestendirilgen esepke alýdy jáne olardyń áleýmettik aýdarymdary men áleýmettik tólemderin júrgizý qaǵıdalary bekitilsin.
2. Áleýmettik qamsyzdandyrý jáne áleýmettik saqtandyrý departamenti zańnamada belgilengen tártippen:
1) osy buıryqty Qazaqstan Respýblıkasy Ádilet mınıstrliginde memlekettik tirkeýdi;
2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde onyń kóshirmesin merzimdi baspa basylymdarynda jáne «Ádilet» aqparattyq-quqyqtyq júıesinde, sondaı-aq Qazaqstan Respýblıkasy normatıvtik quqyqtyq aktileriniń etalondyq baqylaý bankine engizý úshin Respýblıkalyq quqyqtyq aqparat ortalyǵyna resmı jarııalaýǵa baspa jáne elektrondyq túrde jiberýdi;
3) osy buıryqty Qazaqstan Respýblıkasy Densaýlyq saqtaý jáne áleýmettik damý mınıstrliginiń resmı ınternet-resýrsynda ornalastyrýdy;
4) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde Qazaqstan Respýblıkasy Densaýlyq saqtaý jáne áleýmettik damý mınıstrliginiń Zań qyzmeti departamentine osy tarmaqtyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi usynýdy qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasynyń Densaýlyq saqtaý jáne áleýmettik damý vıtse-mınıstri S.Q. Jaqypovaǵa júktelsin.
4. Osy buıryq 2016 jylǵy 1 naýryzdan bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Densaýlyq saqtaý jáne áleýmettik damý mınıstriniń
mindetin atqarýshy B. NURYMBETOV
«KELІSІLDІ»
Qazaqstan Respýblıkasynyń Investıtsııalar jáne damý mınıstri
_____________ Á. Isekeshev
2016 jylǵy 20 qańtar
Qazaqstan Respýblıkasy Densaýlyq saqtaý jáne áleýmettik damý mınıstriniń
2016 jylǵy 13 qańtardaǵy №15 buıryǵymen bekitilgen
Mindetti áleýmettik saqtandyrý júıesine qatysýshylardy derbestendirilgen esepke alýdy jáne olardyń áleýmettik aýdarymdary men áleýmettik tólemderin júrgizý qaǵıdalary
1. Osy Mindetti áleýmettik saqtandyrý júıesine qatysýshylardy derbestendirilgen esepke alýdy jáne olardyń áleýmettik aýdarymdary men áleýmettik tólemderin júrgizý qaǵıdalary (budan ári - Qaǵıdalar) «Mindetti áleýmettik saqtandyrý týraly» 2005 jylǵy 25 sáýirdegi Qazaqstan Respýblıkasy Zańynyń (budan ári - Zań) 11-babynyń 12-4) tarmaqshasyna sáıkes ázirlendi jáne áleýmettik aýdarymdar júrgizilgen jáne áleýmettik tólemder júzege asyrylǵan mindetti áleýmettik saqtandyrý júıesine árbir qatysýshy týraly málimetterdi derbestendirilgen esepke alýdy júrgizý tártibin aıqyndaıdy.
2. Osy Qaǵıdalarda mynadaı uǵymdar paıdalanylady:
1) «Azamattarǵa arnalǵan úkimet» memlekettik korporatsııasy (budan ári - Memlekettik korporatsııa) - Qazaqstan Respýblıkasynyń zańnamasyna sáıkes memlekettik qyzmetter kórsetý, «bir tereze» qaǵıdaty boıynsha memlekettik qyzmetter kórsetýge ótinishter qabyldaý jáne kórsetiletin qyzmetti alýshyǵa olardyń nátıjelerin berý jónindegi jumystardy uıymdastyrý, sondaı-aq elektrondyq nysanda memlekettik qyzmetter kórsetýdi qamtamasyz etý úshin Qazaqstan Respýblıkasy Úkimetiniń sheshimi boıynsha qurylǵan zańdy tulǵa;
2) áleýmettik aýdarymdar - ózi úshin áleýmettik aýdarymdar júrgizilgen mindetti áleýmettik saqtandyrý júıesine qatysýshyǵa, al asyraýshysynan aıyrylǵan jaǵdaıda onyń asyraýynda bolǵan otbasy múshelerine Qazaqstan Respýblıkasynyń mindetti áleýmettik saqtandyrý týraly zańnamasyna sáıkes áleýmettik tólemder alý quqyǵyn beretin, Memlekettik áleýmettik saqtandyrý qoryna tólenetin, Zańda belgilengen mindetti tólemder;
3) áleýmettik aýdarymdar júrgizilgen mindetti áleýmettik saqtandyrý júıesine qatysýshy - áleýmettik aýdarymdar tólenetin jáne Zańda kózdelgen áleýmettik qater jaǵdaılary bastalǵan kezde áleýmettik tólemderdi alýǵa quqyǵy bar jeke tulǵa;
4) áleýmettik tólemder - áleýmettik tólemderdi alýshynyń paıdasyna Memlekettik áleýmettik saqtandyrý qory júzege asyratyn tólemder;
5) áleýmettik tólemdi alýshy - áleýmettik qater tóngenge deıin Qorǵa ol úshin áleýmettik aýdarymdar júrgizilgen ne ózin-ózi jumyspen qamtyǵan adam retinde olardy ózi tólegen jáne Qor oǵan qatysty áleýmettik tólemder taǵaıyndaý týraly sheshim shyǵarǵan jeke tulǵa, al mindetti áleýmettik saqtandyrý júıesiniń ózi úshin áleýmettik aýdarymdar júrgizilgen qatysýshysy bolyp tabylatyn adam qaıtys bolǵan jaǵdaıda - qaıtys bolǵan (cot habar-osharsyz ketti dep tanyǵan nemese qaıtys boldy dep jarııalaǵan) asyraýshynyń asyraýynda bolǵan otbasy músheleri;
6) derbestendirilgen esepke alý - áleýmettik aýdarymdar júrgizilgen jáne áleýmettik tólemder júzege asyrylǵan mindetti áleýmettik saqtandyrý júıesine árbir qatysýshy týraly málimetterdi esepke alýdy uıymdastyrý jáne júrgizý;
7) derekqor - mindetti áleýmettik saqtandyrý júıesiniń árbir qatysýshysy (alýshy) boıynsha derekterdi qamtıtyn ýákiletti organnyń aqparattyq júıesi;
8) Memlekettik áleýmettik saqtandyrý qory (budan ári - Qor) - áleýmettik aýdarymdardy shoǵyrlandyrýdy jáne mindetti áleýmettik saqtandyrý júıesine qatysýshy bolǵan asyraýshysynan aıyrylǵan jaǵdaıda, onyń asyraýyndaǵy otbasy múshelerin qosa alǵanda, oǵan qatysty áleýmettik qater jaǵdaıy bastalǵan mindetti áleýmettik saqtandyrý júıesine qatysýshylarǵa áleýmettik tólemder taǵaıyndaýdy jáne júzege asyrýdy júrgizetin zańdy tulǵa;
9) ýákiletti organ - Qordyń qyzmetine retteý, baqylaý jáne qadaǵalaý fýnktsııalaryn júzege asyratyn memlekettik organ.
3. Mindetti áleýmettik saqtandyrý júıesine qatysýshylardy, áleýmettik aýdarymdardy (onyń ishinde qate aýdarylǵan áleýmettik aýdarymdardy qaıtarý) jáne áleýmettik tólemderdi derbestendirilgen esepke alýdy Memlekettik korporatsııa turaqty túrde júzege asyrady.
4. Áleýmettik aýdarymdar júrgizilgen mindetti áleýmettik saqtandyrý júıesine qatysýshylardy derbestendirilgen esepke alý mynadaı:
1) jeke sáıkestendirý nómiri (budan ári - JSN);
2) tegi, aty, ákesiniń aty (bar bolsa);
3) týǵan kúni;
4) jynysy;
5) turǵylyqty mekenjaıy;
6) jeke basyn kýálandyratyn qujattyń serııasy jáne nómiri, qujattyń berilgen kúni jáne bergen organnyń ataýy;
7) jeke basyn kýálandyratyn qujattyń nómiri jáne berilgen kúni, azamattyǵy ózgergeni týraly, azamattyǵyn ózgertý týraly málimetterdi qamtıdy.
Budan basqa, kelip túsken kúnin, jiberilgen kúnin, qujattyń nómirin, kúnin, tólem taǵaıyndaý kodyn (budan ári - TTK), jiberýshiniń ataýyn, jiberýshiniń JSN/BSN (bıznes sáıkestendirý nómiri), alýshynyń ataýyn, tólemniń jalpy somasyn, áleýmettik aýdarymdardyń somasyn, mártebesin, áleýmettik aýdarymdar júrgiziletin kezeńdi (jyly, aıy, aılar) kórsete otyryp, aýdarylǵan áleýmettik aýdarymdardyń jáne (nemese) ósimpuldardyń somalary týraly, sondaı-aq normatıvtik quqyqtyq aktilerde belgilengen tártippen qate aýdarylǵan áleýmettik aýdarymdardy jáne (nemese) ósimpuldardy qaıtarý týraly málimetterdi qamtıdy.
5. Áleýmettik tólemderdi alýshylardy esepke alý derekqorda esepte turǵan áleýmettik tólemder taǵaıyndalǵan alýshylardyń jalpy sany boıynsha júrgiziledi. Sondaı-aq áleýmettik tólemder taǵaıyndalǵan, biraq tólenbeıtin (toqtatyla turǵan, merzimi boıynsha esepten alynǵan, biraq tólemderdi uzartý týraly sheshimderi joq) áleýmettik tólemderdi alýshylar esepke alynýǵa tıis.
6. Áleýmettik tólemderdi alýshylardy esepke alý mynadaı:
1) júgingen kún;
2) áleýmettik qater bastalǵan kún;
3) áleýmettik tólem taǵaıyndaý týraly sheshimniń kúni;
4) áleýmettik tólemniń merzimi aıaqtalǵan kún;
5) mindetti áleýmettik saqtandyrý júıesine qatysý ótili týraly;
6) áleýmettik aýdarymdar júrgizilgen tabystyń ortasha aılyq mólsheri;
7) áleýmettik tólemniń túri týraly;
8) eńbek etý qabiletinen aıyrylý dárejesi týraly;
9) asyraýyndaǵy adamdardyń sany týraly;
10) jumyssyz retinde esepke alýǵa qoıý týraly;
11) eńbek etýge qabiletsiz kúnderdiń sany týraly;
12) bala týý kezektiligi týraly;
13) taǵaıyndalǵan áleýmettik tólemniń mólsheri týraly;
14) jumysynan aıyrylǵan jaǵdaıda tólenetin áleýmettik tólem taǵaıyndalǵan merzim týraly derekterdi qamtıdy.
7. Memlekettik korporatsııa:
derekqorǵa málimetterdi jáne ózgeristerdi ýaqtyly engizedi;
kelip túsken áleýmettik aýdarymdardyń jáne (nemese) ósimpuldardyń somalary týraly (onyń ishinde qate aýdarylǵan áleýmettik aýdarymdardy qaıtarý týraly), alýshylarǵa júzege asyrylǵan áleýmettik tólemder týraly málimetterdi derbestendirilgen esepke alýdy qamtamasyz etedi;
derbes derekter jáne olardy qorǵaý týraly Qazaqstan Respýblıkasy zańnamasynyń talaptaryna sáıkes derekqorda qamtylǵan málimetterdiń qupııalylyǵyn qamtamasyz etedi;
aı saıyn, Zańnyń 11-babynyń 2) taraqshasynda belgilengen tártippen ýákiletti organǵa mindetti áleýmettik saqtandyrý júıesiniń qatysýshylary (alýshylar), áleýmettik aýdarymdar men áleýmettik tólemder týraly aqparatty usynady.
Buıryq Qazaqstan Respýblıkasynyń Ádilet mınıstrliginde 2016 jylǵy 17 aqpanda Normatıvtik quqyqtyq kesimderdi memlekettik tirkeýdiń tizilimine №13094 bolyp engizildi.