Mindetti áleýmettik medıtsınalyq saqtandyrý jumysyn arnaıy komıssııa baqylaıdy

Shtab jumysyn taldaı otyryp, mynadaı negizgi aqparattardy bólip aldyq. «Áleýmettik medıtsınalyq saqtandyrý» qory tegin kepildendirilgen kómek aıasynda da, mindetti áleýmettik medıtsınalyq saqtandyrý boıynsha da konkýrs negizinde memlekettik jáne jeke klınıkalardan medıtsınalyq qyzmetterdi satyp alady.

Baıqaý eki kezeńde ótedi. Birinshi kezeńde árbir medıtsınalyq uıym qyzmetterdi jetkizýshilerdiń biryńǵaı tizbesine óziniń tehnıkalyq-ekonomıkalyq jáne medıtsınalyq derekterin engizedi. Usynylǵan derekterge sáıkes, qor olardyń belgilengen eń tómengi standarttarynyń sáıkestigine baǵa beredi. Oń nátıje bolǵan jaǵdaıda medıtsınalyq uıym konkýrstyń ekinshi kezeńine ótedi. Ekinshi kezeńde qor usynylǵan qyzmetterdiń kólemine, onyń qunyna jáne ótken jyly kórsetilgen qyzmetterdiń sapasyna belgilengen krıterııler boıynsha baǵa beredi. Eger medıtsınalyq uıymnyń resýrstyq qamtamasyz etilýi belgilengen eń tómengi standarttarǵa, al kórsetiletin qyzmetter belgilengen sapa krıterıılerine sáıkes keletin bolsa, onda medıtsınalyq uıym áleýetti qyzmet berýshi retinde tańdalady. Osylaısha, tıisti resýrstyq turǵydan qamtamasyz etilgen jáne bilikti kómek kórsetýge qaýqarly tájirıbeli mamandary bar úzdik memlekettik jáne jeke emhanalar medıtsınalyq kómek kórsetý múmkindikterine ıe bolady.

Taǵy bir másele medıtsınalyq kómekke júgingen , saqtandyrylǵan azamattar mártebesi. Bul baǵyt boıynsha barlyq medıtsınalyq uıymdar Qazaqstan Respýblıkasynyń saqtandyrylǵan azamattarynyń biryńǵaı tizbesin qaraı alady, ıaǵnı aqparat qoljetimdi. Azamat medıtsınalyq qyzmetkerge júgingen kezde, jeke sáıkestendirý nómerin engizip, onyń saqtandyrý dárejesin anyqtaýǵa bolady. Eger aýdarymdar júrgizilgen bolsa, onda ótinish bildirgen azamat saqtandyrýshy usynatyn qyzmettiń barlyq túrin ala alady. Eger olaı bolmasa, onda tegin medıtsınalyq kómektiń kepildik berilgen kólemi aıasynda ǵana kómek kórsetiledi.

Biryńǵaı aqparattyq júıe arqyly kelisimshart jasaǵan barlyq medıtsınalyq uıymdar kórsetilgen qyzmetteri týraly aqparatty qorǵa kún saıyn usynady. Kórsetilgen qyzmetterdiń kólemi men sapasyn saraptaýdy qordyń óńirlerdegi aýmaqtyq bólimsheleri júrgizedi. Qor aı saıyn aýmaqtyq bólimshelerden tólem qajettiligin alady jáne sonyń negizinde medıtsınalyq uıymdardyń esebine qarajatty aýdarady.

Sondaı-aq, biryńǵaı aqparattyq júıe derekteriniń negizinde aldaǵy ýaqytta kelisimsharttyń iske asyrylýyna áserin tıgizetin medıtsınalyq uıymdardyń reıtıngin únemi anyqtap otyrady.

Engizilgeli otyrǵan MÁMS júıesi elimizdiń densaýlyq saqtaý salasyn reformalaý protsesterine úlken qozǵaý bolady. Basqarýdyń ekonomıkalyq ádisteri, qarjylyq jáne materıaldyq resýrstardy tıimdi paıdalaný medıtsınalyq kómek sapasyn jaqsartyp, eńbekaqynyń ósýine múmkindik beredi. MÁMS jaǵdaıynda árbir medıtsınalyq uıym eńbekke aqy tóleý máselesinde saralanǵan ádisti engize alady, qyzmetkerlerdi materıaldyq turǵydan yntalandyrý úlgisin óz betinshe qalyptastyra alady. ıAǵnı, tanymal kásibı mamandar, tájirıbeli joǵary bilikti dárigerler qazirgi jaǵdaıǵa qaraǵanda kóbirek eńbekaqy alady.

Sonymen qatar, «Mindetti áleýmettik medıtsınalyq saqtandyrý týraly» zańda baqylaýdy qamtamasyz etý tetikteri qarastyrylǵan. Bul - medıtsınalyq qyzmetterdiń sapasy jónindegi birlesken komıssııa. Atalǵan komıssııa Densaýlyq saqtaý mınıstrligi, «Áleýmettik medıtsınalyq saqtandyrý» qory men qoǵam ókilderiniń arasyndaǵy dıalog quratyn kelisim alańyna aınalady. Komıssııa quramyna mindetti túrde dárigerler qaýymdastyǵynyń, patsıentterdiń, úkimettik emes uıymdardyń ókilderi enedi. Qor jarǵysynda MÁMS júıesiniń qyzmeti men ony damytý máseleleri boıynsha qoǵamdyq keńes qurý múmkindigi qarastyrylýda, onyń quramyna memlekettik organdardyń, úkimettik emes uıymdardyń ókilderi jáne el azamattary kire alady. Óz kezeginde, qordyń dırektorlar keńesi bekitken erejemen aıqyndalatyn qoǵamdyq keńestiń qyzmet reglamentine «Áleýmettik medıtsınalyq saqtandyrý» qorynyń jumysyn qoǵamdyq baqylaý tetigi qosylýy múmkin.

Shtab, osy kezge deıin atqarylǵan aýqymdy jumystarǵa qaramastan, respýblıka aýmaǵynda josparly túrde aqparattyq-túsindirý jumystaryn júrgizýdi jalǵastyrady.