Mindetti áleýmettik medıtsınalyq saqtandyrý qorynda trıllıon teńgeden astam qarjy jınaqtalatyn bolady
«2017 jyldyń qańtarynan qor jarnalardy jınaqtaıdy jáne 2017 jyldyń ekinshi jartysynan bastap tólem jasaý qyzmeti Medıtsınalyq qyzmetke aqy tóleý komıtetinen osy qorǵa aýysatyn bolady. Birinshi jarty jylda 375 mlrd. teńgege tarta qarjy jınalady dep kútilýde, sáıkesinshe, osy somada naryqta medıtsınalyq qyzmetter satyp alynady. 2021 jylǵa qaraı qorda 1 trln. 150 mlrd. teńgege jýyq qarjyny jınaqtaýdy qarastyrýdamyz jáne bul qarjy medıtsınalyq qyzmetterge jumsalady»,-dedi ol.
Osy oraıda, E. Birtanov mindetti áleýmettik medıtsınalyq saqtandyrý engizilgennen keıin memlekettiń densaýlyq saqtaý salasyna jalpy shyǵystary artatynyn jetkizdi.
«Biz qor men medıtsınalyq saqtandyrý aıasynda qyzmetter tizbesin keńeıtýdi josparlap otyrmyz. Mysaly, buryndary tegin pakette qamtylmaǵan keıbir qyzmetterdi qosýdy bastaımyz. Osy oraıda tegin dárilik qamtamasyz etýdi keńeıtý eskerilmek. Ekinshiden - medıtsınalyq saýyqtyrý tegin bolady»,-dep túsindirdi vıtse-mınıstr.
Sonymen birge, vıtse-mınıstr Qazaqstanda engizilip otyrǵan medsaqtandyrý júıesi úzdik halyqaralyq tájirıbeni esepke ala otyryp, memleket, jumys berýshi jáne árbir adamnyń yntymaqty jaýapkershiliginiń negizinde jasalǵanyn atap aıtty. Sonymen qatar, memleket ekonomıkalyq belsendiligi tómen halyq úshin jarna tóleıtin bolady. Jumys berýshiler - jaldamaly jumysshylar úshin, qyzmetkerler men salyq organdarynda tirkelgen ózin-ózi qamtyǵan azamattar ózderi úshin tóleıtin bolady.