Mindetter qoıyldy, qazir olardyń sapaly jáne ýaqytyly oryndalýyn qamtamasyz etý mańyzdy – Aımaǵambetov

ASTANA. QazAqparat –QR Parlamenti Májilisiniń depýtaty Ashat Aımaǵambetov Memleket basshysynyń búgin Qazaqstan halqyna joldaǵan Joldaýyna qatysty pikir bildirdi, dep habarlaıdy QazAqparat depýtattyń Telegram kanalyna silteme jasap.

«Prezıdenttiń búgingi halyqqa Joldaýymen kóbisi tanysqan bolar. Naqty tapsyrmalar berilip, jańa basymdyqtar belgilendi. Bul postta Prezıdenttiń birneshe tapsyrmalaryna toqtalǵandy jón sanap otyrmyn»,-dep jazdy, depýtat óziniń paraqshasynda.

1. Debıýrokratızatsııa.

Memlekettik apparat jumysynyń tártibi men erejelerin ózgertpeıinshe, basqa sharalar men bastamalardyń bári de nátıje bermeıtini anyq.

Ózińiz oılanyp kórińizishi, mınıstrdiń bir buıryǵyn qabyldaý úshin bir jylǵa jýyq ýaqyt ketedi. Nege deısiz ǵoı? Óıtkeni ártúrli deńgeıdegi 20-30 mekemeniń kelisimin alý kerek. Al olardyń eshqaısysy ózine jaýapkershilik almaıdy da. Osydan keıin qandaı tıimdilik týraly aıtamyz? Jedel sheshim qabyldaý jaıyna qalady. Sondyqtan da qabyldanǵan Jarlyqta jáne osy Joldaýda da bul baǵytta tıisti tapsyrmalar berildi.

2. Mınıstrler men basqa da basshylardyń jeke jaýapkershiligin belgileý boıynsha. Shyn máninde, bul Úkimet deńgeıinen mınıstrler, ákimder deńgeıine jáne basqa deńgeılerge quzyretti berý reformasynyń jalǵasy. Máselen, salalyq máseleler Úkimet qaýlysy deńgeıine kóterilmeı, mınıstrlerdiń óz buıryqtarymen sheshilýi kerek. Osy ózgeristi engizýdiń arqasynda keıbir quzyretterdi úılestirý jáne sheshim qabyldaý jyldam júretin bolady. Sonymen qatar ár jeke tulǵanyń naqty jaýapkershiligi bekitiledi.

3. Memlekettik satyp alý máseleleri. Bul másele boıynsha Memleket basshysy naqty baǵyttardy aıqyndady. Qazirgi memlekettik satyp alý júıesiniń tıimdi emes ekendigimen bári de kelisedi. Turǵyn úıler, jol qurylysynyń sapasyzdyǵy, paıdalanylmaı jatqan qarajat, úzdiksiz sot protsesteri, uzaq rásimder, osynyń barlyǵy mektepterdiń, aýrýhanalardyń jáne basqa da áleýmettik mańyzy bar nysandardyń ýaqytyly jóndeýge úlgermeýine ákelip soǵady. Bul tendermen baılanysty problemalardyń tolyq tizimi emes. Jańa zań jobasy aıasynda Joldaý tapsyrmalaryn júzege asyrýda biz bul kemshilikter joıylady dep oılaımyn.

Aıtqandaı, atalǵan olqylyqtardy joıý úshin sonaý maýsym aıynda biz aranaıy zań jobasyn daıyndap, Úkimetke pysyqtaýǵa joldap edik, alaıda olardyń tarapynan qoldaý bolmady. Endi Prezıdenttiń tapsyrmasynan keıin bul jumys nátıjeli bolady dep senemin.

4. AI-jasandy ıntellektini damytý, sonyń ishinde derekter ortalyqtaryn qurý, oqytý jáne basqa da sharalar shynymen ózekti. Qazaqstan – IT-elge aınalýy tıis.

5. Balalardyń quqyqtaryn buzǵany úshin jaýapkershilikti kúsheıtý, Yandex Taxi, Wolt jáne basqa da tsıfrlyq platformalardy paıdalaný arqyly jumysqa ornalasqan jumysshylardyń eńbek quqyqtaryn qorǵaý, 55 jastan asqan jáne qaýipti óndiriste jumys isteıtin adamdarǵa arnaýly áleýmettik jeńildikter engizý máseleleri de asa mańyzdy. Memleket basshysynyń ózge de áleýmettik bastamalary boıynsha bizdiń Komıtettiń depýtattary tıisti jumystardy júrgizetin bolady.

6. Barlyq óńirlerdegi azamattarmen kezdesýlerde birdeı derlik máseleler kóterildi. Bul sharyqtaǵan ınflıatsııa, sapasyz aýyz sý, gaz jetispeýshiligi, jaısyz joldar. Joldaýda osy júıeli máselelerdiń sheshimi de kórinis tapty.

«Toq eteri. Mindetter qoıyldy. Qazir olardyń sapaly jáne ýaqytyly oryndalýyn qamtamasyz etý mańyzdy»,-dep qorytty halyq qalaýlysy.