Myńdaǵan mıgrant Tramp saılanǵanǵa deıin AQSh-qa kirýge baǵyt aldy

ASTANA. KAZINFORM – Myńdaǵan bosqyn Meksıkadan AQSh shekarasyna qaraı baǵyt aldy. Bul týraly 24.kz jazdy.

Olardyń deni – áıelder men balalar. Reıter agenttigi osylaı dep habarlady. Olardyń aıtýynsha, bosqyndar kóshi Meksıkanyń soltústik shekarasynan bastalǵan. Polıtsııa men Ulttyq gvardııa olardyń qaýipsizdigin qamtamasyz etedi.

Mıgranttar AQSh-tyń jańadan saılanǵan prezıdenti Donald Tramp qyzmetine kiriskenge deıin shekaradan ótýge nıetti. Jańa prezıdent taqqa otyrsa, Amerıkaǵa ótý shektele me dep qaýiptenedi. Buǵan deıin Tramp zańsyz kóshi-qonǵa qarsy jarlyqqa qol qoıatynyn málimdegen edi. Bastama iske assa, shamamen 20 mln bosqyn Amerıkadan qýylýy múmkin.

Eske sala keteıik, Donald Tramp jeńiske jetse tarıhta bolmaǵan iri deportatsııa operatsııasyn bastaýǵa ýáde bergen edi. 

Keıin tipti Tramptyń jappaı deportatsııalaýy 86 mıllıard dollarǵa baǵalanǵan bolatyn.