Myńdaǵan marokkolyq áıel Ispanııadaǵy maýsymdyq jumysqa tartylady
ASTANA. KAZINFORM — 2026 jyly Ispanııanyń Ýelva provıntsııasyna qulpynaı jınaýǵa Marokkodan myńdaǵan maýsymdyq jumysshy barady, dep habarlaıdy AZERTADJ.
Agenttiktiń Akhbarona basylymyna silteme jasap habarlaýynsha, bul protsess Marokko men Ispanııa arasyndaǵy tsıkldik mıgratsııa salasyndaǵy yntymaqtastyq kelisimderiniń bir bóligi sanalady.
Kelisimderdiń maqsaty — ıspan fermerlerin bilikti jumys kúshimen qamtamasyz etý jáne Marokkonyń Ulttyq jumyspen qamtý jáne kásibı daıarlaý agenttigi (ANAPEC) arqyly tekseriletin, baqylaýda bolatyn myńdaǵan marokkalyq áıelge eńbek etýge zańdy múmkindik berý.
Bul naýqan Rabat pen Madrıd arasyndaǵy ekonomıkalyq jáne áleýmettik yntymaqtastyqtyń negizgi tirekteriniń biri bolyp esepteledi: bir jaǵynan, Ýelva óńiriniń jergilikti ekonomıkasyn qoldaýǵa, ekinshi jaǵynan, Marokkodan kelgen áıel jumysshylardyń qarjylyq kirisin arttyrýǵa yqpal etedi.
Osyǵan deıin Ispanııa mınıstrler keńesi 27 qańtarda el aýmaǵynda zańsyz júrgen shetel azamattaryna 2026 jylǵy sáýir-maýsym aılary aralyǵynda jumys isteý quqyǵymen ýaqytsha turýǵa ruqsat alýǵa múmkindik beretin «tótenshe zań-dekretti» maquldaǵany málim boldy. Táýelsiz derekkózder Ispanııada zańsyz júrgen mıgranttar sany 1 mıllıonǵa jýyq ekenin aıtady.