Myńdaǵan ızraıldik Tel-Avıv alańyna jınalyp, tutqyndardyń oralýyn kútip jatyr
ASTANA. KAZINFORM – Izraıldikter eki jyldan keıin tutqynnan oralǵan otandastaryn qarsy alýǵa daıyndalyp jatyr, dep habarlaıdy Kazinform menshikti tilshisi.
Gaza sektorynda ustalǵan ızraıldik tutqyndardyń bosatylýyn kórý úshin Tel-Avıvtiń «Tutqyndar alańyna» 65 myńǵa jýyq adam jınaldy, dep habarlaıdy The Times of Israel.
Іs-shara júrgizýshisiniń aıtýynsha, qatysýshylardyń sany artyp keledi, alańǵa qaraı taǵy myńdaǵan adam kele jatyr.
- Biz birge bolý úshin jáne eki jyldyq kúresten keıin elge oralǵandardy qarsy alý úshin keldik, - dedi ol kópshilik aldynda sóılegen sózinde.
Hostages Square awaits their return 🎗️
— Bring Them Home Now (@bringhomenow) October 13, 2025
Until the last hostage
Photo credit: Alon Gilboa pic.twitter.com/0V5dKpsxaC
Tel-Avıvtegi bul oryn resmı túrde Itshak Rabın alańy dep atalady. Alaıda ızraıldikter ony «Tutqyndar alańy» dep ataı bastady — ol HAMAS sodyrlary Izraılge shabýyl jasaǵan 2023 jyldyń qazan aıynan bastap qoǵamdyq yntymaqtastyqtyń sımvolyna aınaldy. Munda sońǵy eki jyldan beri Gaza sektoryndaǵy tutqyndardy bosatýdy talap etken jappaı sherý ótti.
Dúısenbi kúni tańǵy saǵat 8-de bastalǵan kepilge alynǵandardy bosatý protsesin kútken ońdaǵan ızraıldik alańǵa túnde jınala bastaǵan.
Israelis gather in Tel Aviv ahead of scheduled prisoner-hostage swap.
— AFP News Agency (@AFP) October 13, 2025
Dozens of Israelis gather in the middle of the night at the Tel Aviv plaza known as the Hostages' Square, ahead of the scheduled prisoners-hostages swap due in the morning pic.twitter.com/OhkWpYUjm9
Úlken ekrandardan kepilge alynǵandar urlanǵanǵa deıin túsirilgen sýretterdiń slaıdtary kórsetilip jatyr. Olar tikeleı jańalyqtar lentalarymen aralasady. Tutqyndardyń týystary ekranǵa shyqqan saıyn nemese alańnyń ózi túsirilgen kadrlar kórsetilgen saıyn jınalǵandar qol soǵyp jatyr.
Channel 12 telearnasy kepilge alynǵandardyń biriniń anasy Eınav Zangaýker men onyń ulynyń áńgimesin jarııalaǵan sát erekshe ovatsııa týdyrdy.
- Soǵys bitti, sen úıge kele jatyrsyń, - dedi anasy ulyna.
Aǵaıyndy Davıd pen Arıel Kýnıonyń, sodan keıin ızraıldik sarbaz Nımrod Koenniń bosatylýyna daıyndalyp jatqan sýretteri kórsetilgende jurt taǵy dý qol shapalaqtady.
Dúısenbi kúni keshke aıaqtalatyn evreılerdiń Sýkkot merekesine arnalǵan dástúrli tańǵy qyzmet ótetin alańnyń bir buryshynda «duǵa etý shatyry» ornatyldy.
שרון קוניו וארבל יהוד בשיחת וידאו מרעים עם אחות של שרון, שורדת השבי דניאל קוניו. דוד ואריאל קוניו עוד מעט בבית.@N12News pic.twitter.com/xRZgDfF3Cq
— yonatan reguer (@yreguer) October 13, 2025
Іs-sharany uıymdastyrýshylar búkil el boıynsha myńdaǵan adam kepilge alynǵandardyń úılerine qaıtyp oralýyn kórýi úshin alańnan tikeleı onlaın-translıatsııany bastady.
Búgin tańerteń HAMAS kepilge alynǵan jeti ızraıldik azamatty Qyzyl Krest uıymyna tapsyrdy.